പ്രീമിയര് ലീഗില് ആഴ്സനലിന് നാണക്കേട്; ആദ്യ മത്സരത്തില് ബ്രെന്റ്ഫോര്ഡിനോട് തോല്വി
Synopsis
74വര്ഷത്തിന് ശേഷം ഒന്നാം ഡിവിഷനിലേക്ക് സ്ഥാനക്കയറ്റം കിട്ടിയെത്തിയ ടീമിനോടാണ് ലീഗിലെ വമ്പന് ടീമായ ആഴ്സണലിന്റെ തോല്വി.
ലണ്ടന്: പ്രീമിയര് ലീഗില് ആഴ്സണലിന് നാണക്കേട്. ആദ്യ മത്സരത്തില് ബ്രെന്റ്്ഫോര്ഡിനോട് എതിരില്ലാത്ത രണ്ട് ഗോളിന് തോറ്റു. 74വര്ഷത്തിന് ശേഷം ഒന്നാം ഡിവിഷനിലേക്ക് സ്ഥാനക്കയറ്റം കിട്ടിയെത്തിയ ടീമിനോടാണ് ലീഗിലെ വമ്പന് ടീമായ ആഴ്സണലിന്റെ തോല്വി. 22-ാം മിനുട്ടില് സെര്ജി കാനോസ് ആണ് ബ്രെന്റ്ഫോര്ഡിന് ലീഡ് നല്കിയത്.
രണ്ടാം പകുതിയില് ആഴ്സണല് കുറച്ച് കൂടി മെച്ചപ്പെട്ട കളി പുറത്തെടുത്തെങ്കിലും 72-ാം മിനുട്ടില് നോര്ഗാര്ഡ് ഒരു ഹെഡറിലൂടെ ബ്രെന്റ്ഫോര്ഡിന്റെ രണ്ടാം ഗോള് നേടി. ആഴ്സണലിന് ഇനി ചെല്സിയെയും മാഞ്ചസ്റ്റര് സിറ്റിയെയും ആണ് നേരിടേണ്ടത്.
അതേസമയം മാഞ്ചസ്റ്റര് യുനൈറ്റഡ് ഇന്ന് സീസണിലെ ആദ്യ മത്സരത്തിനിറങ്ങും. വൈകീട്ട് 5 മണിക്ക് ലീഡ്സ് യുണൈറ്റഡാണ് എതിരാളികള്. 7.30ന് കളിയില് ചെല്സി, ക്രിസ്റ്റല് പാലസിനെ നേരിടും.
ലിവര്പൂളിന് നോര്വിച്ച് സിറ്റിയാണ് ആദ്യമത്സരത്തില് എതിരാളി. രാത്രി 10 മണിക്കാണ് മത്സരം. എവര്ട്ടന്, ലെസ്റ്റര് സിറ്റി ടീമുകള്ക്കും നാളെ മത്സരമുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!