EPL 2021-22 : ഇഞ്ചുറിടൈമിലെ ഇരട്ട ഗോളില് ഫുട്ബോള് ലോകത്തെ ഞെട്ടിച്ച് ടോട്ടനം; യുണൈറ്റഡിനും ജയം
Synopsis
35 പോയിന്റുള്ള യുണൈറ്റഡ് പോയിന്റ് പട്ടികയിൽ ഏഴാം സ്ഥാനത്തും ബ്രന്റ്ഫോഡ് 23 പോയിന്റുമായി പതിനാലാം സ്ഥാനത്തുമാണ്
ബ്രന്റ്ഫോഡ്: ഇംഗ്ലീഷ് പ്രീമിയർ ലീഗിൽ (English Premier League) മാഞ്ചസ്റ്റർ യുണൈറ്റഡിന് (Man United) ജയം. ഒന്നിനെതിരെ മൂന്ന് ഗോളുകൾക്കാണ് ബ്രന്റ്ഫോഡിനെ (Brentford) തോൽപ്പിച്ചത്. യുണൈറ്റഡിനായി ആന്തോണി ഇലാങ്ക (Anthony Elanga), മേസണ് ഗ്രീൻവുഡ് (Mason Greenwood), മാർകസ് റാഷ്ഫോഡ് (Marcus Rashford) എന്നിവർ ഗോൾ നേടി. ഇവാൻ ടോണിയാണ് (Ivan Toney) ബ്രന്റ്ഫോഡിന്റെ ഏക സ്കോറർ.
35 പോയിന്റുള്ള യുണൈറ്റഡ് പോയിന്റ് പട്ടികയിൽ ഏഴാം സ്ഥാനത്തും ബ്രന്റ്ഫോഡ് 23 പോയിന്റുമായി പതിനാലാം സ്ഥാനത്തുമാണ്.
പ്രീമിയർ ലീഗിലെ മറ്റൊരു മത്സരത്തിൽ ഇഞ്ചുറിടൈമിലെ ഇരട്ട ഗോളിലൂടെ ടോട്ടനം തകർപ്പൻ ജയം നേടി. രണ്ടിനെതിരെ മൂന്ന് ഗോളുകൾക്ക് ലെസ്റ്റർ സിറ്റിയെ തോൽപ്പിച്ചു. തൊണ്ണൂറാം മിനുറ്റുവരെ ഒരു ഗോളിന് പിന്നിൽ നിന്ന് ശേഷമാണ് ടോട്ടനത്തിന്റെ തിരിച്ചുവരവ്. സ്റ്റീവൻ ബെർഗ്വിനാണ് എക്സ്ട്രാ ടൈമിലെ രണ്ട് ഗോളും നേടിയത്. 36 പോയിന്റുള്ള ടോട്ടനം പട്ടികയിൽ അഞ്ചാമതും 25 പോയിന്റുള്ള ലെസ്റ്റർ സിറ്റി പത്താം സ്ഥാനത്തുമാണുള്ളത്.
ICC U19 World Cup: ഇന്ത്യക്ക് കനത്ത തിരിച്ചടി, ക്യാപ്റ്റനടക്കം 6 കളിക്കാര്ക്ക് കൊവിഡ്
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!