അടങ്ങിയൊതുങ്ങി ഇരിക്കാന് പറഞ്ഞാല് അതുചെയ്യണം; നെയ്മറിനെതിരെ കടുത്ത വിമര്ശനം
Synopsis
പാരീസില് നിന്ന് ബ്രസീലില് തിരിച്ചെത്തിയ നെയ്മറോടും കൂട്ടുകാരോടും ക്വാറന്റൈനില് കഴിയാന് അധികൃതര് ആവശ്യപ്പെട്ടിരുന്നു.
ബ്രസീലിയ: ക്വാറന്റൈനില് കഴിയുന്നതിനിടെ സാമൂഹിക അകലം പാലിക്കാതെ സുഹൃത്തുക്കളുമായി ഫൂട്ട്വോളി കളിച്ച നെയ്മറിന് വിമര്ശനം. ബ്രസീലിലെ തന്റെ വീടിനോട് ചേര്ന്നായിരുന്നു നെയ്മറും കൂട്ടുകാരും കളിക്കാനിറങ്ങിയത്. ചിത്രങ്ങള് നെയ്മര് സോഷ്യല് മീഡിയയില് പങ്കുവച്ചതോടെയാണ് സംഭവം വിവാദമായി. പാരീസില് നിന്ന് ബ്രസീലില് തിരിച്ചെത്തിയ നെയ്മറോടും കൂട്ടുകാരോടും ക്വാറന്റൈനില് കഴിയാന് അധികൃതര് ആവശ്യപ്പെട്ടിരുന്നു.
ഇതിനിടെയാണ് നെയ്മറും സംഘവും ഫൂട്ട്വോളി കളിച്ചത്. എന്നാല് ഒപ്പം കളിച്ചവരെല്ലാം ക്വാറന്റൈനില് ഉള്ളവരാണെന്നും ബന്ധുക്കളുമായോ മറ്റ് സുഹൃത്തുക്കളുമായി അടുത്ത് ഇടപഴകിയിട്ടില്ലെന്നും താരം വിശദീകരിച്ചു.
പിഎസ്ജിതാരം അടുത്തിടെയാണ് ബ്രസീലില് തിരിച്ചെത്തിയത്. കൊവിഡ് വ്യാപനത്തെ തുടര്ന്ന് ഫ്രഞ്ച് ലീഗില് മത്സരങ്ങളെല്ലാം താല്കാലികമായി നിര്ത്തിവച്ചിരിക്കുകയാണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!