ഫിഫ ലോകകപ്പ് 2026: ഫുട്ബോള് ലോകകപ്പ് ഭരിക്കുമോ ഈ തന്ത്രം, എന്താണ് ബസ് പാർക്കിങ്?
Synopsis
2026 ഫുട്ബോള് ലോകകപ്പ് മൈതാനങ്ങളില് ഒരുപക്ഷേ ഏറ്റവും കൂടുതല് കാണാൻ പോകുന്ന തന്ത്രം ഒരുപക്ഷേ ഇതായിരിക്കും. കാരണം, ചെറുരാജ്യങ്ങളുടെ സാന്നിധ്യം തന്നെ
ബസ് പാര്ക്കിങ്. 2026 ഫുട്ബോള് ലോകകപ്പ് മൈതാനങ്ങളില് ഒരുപക്ഷേ ഏറ്റവും കൂടുതല് കാണാൻ പോകുന്ന തന്ത്രം ഒരുപക്ഷേ ഇതായിരിക്കും. കാരണം, ചെറുരാജ്യങ്ങളുടെ സാന്നിധ്യം തന്നെ. അപ്പോള്, എന്താണ് ബസ് പാര്ക്കിങ്ങ്.
അള്ട്രാ ഡിഫൻസീവ് ടാക്റ്റിക്ക്സ്, അമിതമായ പ്രതിരോധാത്മക സമീപനം. ഡീപായി പ്രതിരോധ താരങ്ങളെ വിന്യസിച്ച് എതിരാളികളുടെ മുന്നേറ്റം തടയുക. എന്നുവെച്ചാല്, ഗോള്പോസ്റ്റിന് മുൻപില് ഒരുബസ് പാര്ക്ക് ചെയ്യുന്നതിന് സമാനമായി കോട്ടകെട്ടുക എന്നത്.
തങ്ങളെക്കാള് ശക്തരായ ടീമുകള്ക്കെതിരെ കളിക്കുമ്പോള് പൊതുവെ മാനേജര്മാര് ഉപയോഗിക്കുന്ന രീതിയാണിത്. മത്സരത്തില് ലീഡ് നേടിയതിന് ശേഷം എതിരാളികളെ ഗോള് നേടാൻ അനുവദിക്കാതിരിക്കുകയാണ് ഇതിലൂടെ ലക്ഷ്യമിടുന്നതും.
2004ല് ചെല്സി മാനേജറായിരിക്കെ ഹോസെ മൗറീന്യോയാണ് ആദ്യമായി ഈ ടേം ഉപയോഗിച്ചത്. ടോട്ടനത്തിന്റെ തന്ത്രത്തെ വിമര്ശിച്ചായിരുന്നു മൗറീന്യോയുടെ പരാമര്ശം വന്നതും.
ബസ് പാര്ക്കിങ് എന്ന് മാത്രമല്ല, ഹറാം ബോളെന്നും തന്ത്രം അറിയപ്പെടുന്നുണ്ട്. ഫുട്ബോളിന്റെ സൗന്ദര്യത്തെ ഇല്ലാതാക്കുന്നതാണ് ഈ രീതിയെന്നാണ് പൊതുവെയുള്ള വിമര്ശനം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!