World Cup Qualifiers : നെയ്മര് ഗോള്വഴിയില്; ചിലെയെ പറപ്പിച്ച് ഗോള് ആറാട്ടുമായി ബ്രസീല്
Synopsis
നെയ്മറിനൊപ്പം വിനീഷ്യസ് ജൂനിയറെയും അണിനിരത്തിയാണ് ടിറ്റെ തന്റെ ടീമിനെ മൈതാനത്തിറക്കിയത്
മാരക്കാന: ഖത്തര് ലോകകപ്പിന് (FIFA World Cup Qatar 2022) നേരത്തെ യോഗ്യത നേടിയെങ്കിലും ചിലെക്കെതിരെ ഗോള് ആറാട്ടുമായി ബ്രസീല് (Brazil vs Chile). സൂപ്പര്താരം നെയ്മര് (Neymar) വീണ്ടും ഗോള് കണ്ടെത്തിയ മത്സരത്തില് 4-0നാണ് ചിലെയെ ബ്രസീല് പരാജയപ്പെടുത്തിയത്. വിനീഷ്യസ് ജൂനിയര് (Vini Jr), ഫിലിപ്പെ കുട്ടീഞ്ഞോ (Philippe Coutinho), റിച്ചാര്ലിസണ് (Richarlison) എന്നിവരാണ് കാനറികളുടെ മറ്റ് സ്കോറര്മാര്.
നെയ്മറിനൊപ്പം വിനീഷ്യസ് ജൂനിയറെയും അണിനിരത്തിയാണ് ടിറ്റെ തന്റെ ടീമിനെ മൈതാനത്തിറക്കിയത്. 44-ാം മിനുറ്റില് നെയ്മറുടെ പെനാല്റ്റി ഗോളില് ബ്രസീല് മുന്നിലെത്തിയപ്പോള് ഇടവേളയ്ക്ക് മുമ്പ് വിനീഷ്യസ് ഇഞ്ചുറിടൈമില്(45+1) ലീഡ് രണ്ടാക്കിയുയര്ത്തി. രണ്ടാംപകുതിയില് 72-ാം മിനുറ്റില് മറ്റൊരു പെനാല്റ്റി കൂടി ബ്രസീലിന് ഭാഗ്യമായി. കിക്കെടുത്ത കുട്ടീഞ്ഞോ പന്ത് അനായാസം ലക്ഷ്യത്തിലെത്തിച്ചപ്പോള് ഇഞ്ചുറിടൈമില്(90+1) റിച്ചാര്ലിസണ് പട്ടിക പൂര്ത്തിയാക്കി. കൂടുതല് സമയം പന്ത് കാല്ക്കല് വെച്ചും കൂടുതല് ഷോട്ടുകളുതിര്ത്തും ആധികാരികമാണ് ബ്രസീലിന്റെ ജയം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!