ഐ ലീഗ്: തരംതാഴ്ത്തല് മേഖലയില് നിന്ന് രക്ഷപ്പെടാന് ഗോകുലം ഇന്നിറങ്ങും
Synopsis
ഐ ലീഗ് ഫുട്ബോളില് ഗോകുലം കേരള ഇന്ന് നെരോക്ക എഫ്സിയെ നേരിടും. വൈകിട്ട് അഞ്ചിന് കോഴിക്കോട് കോര്പറേഷന് സ്റ്റേഡിയത്തിലാണ് മത്സരം. ഐ ലീഗില് നിന്ന് തരം താഴ്ത്തല് ഭീഷണി നേരിടുന്ന ഗോകുലം കേരളയ്ക്ക് ഇന്നത്തെ മത്സരം നിര്ണായകമാണ്.
കോഴിക്കോട്: ഐ ലീഗ് ഫുട്ബോളില് ഗോകുലം കേരള ഇന്ന് നെരോക്ക എഫ്സിയെ നേരിടും. വൈകിട്ട് അഞ്ചിന് കോഴിക്കോട് കോര്പറേഷന് സ്റ്റേഡിയത്തിലാണ് മത്സരം. ഐ ലീഗില് നിന്ന് തരം താഴ്ത്തല് ഭീഷണി നേരിടുന്ന ഗോകുലം കേരളയ്ക്ക് ഇന്നത്തെ മത്സരം നിര്ണായകമാണ്. പട്ടികയില് ഗോകുലം പത്താമതും ഷില്ലോങ് ലജോങ്ങ് പതിനൊന്നാമതുമാണ്. ഈ രണ്ട് ടീമുകളാണ് ഐ ലീഗില് നിന്ന് തരം താഴ്ത്തല് ഭീഷണി നേരിടുന്നത്.
രണ്ട് മത്സരങ്ങളാണ് ഇരുവര്ക്കും ബാക്കിയുള്ളത്. തോല്വി വഴങ്ങിയാല് ഗോകുലത്തിന്റെ നില പരുങ്ങലിലാവും. ഐ ലീഗ് റണ്ണറപ്പായ നെരോക്ക കരുത്തരാണ്. 26 പോയിന്റോടെ അഞ്ചാം സ്ഥാനത്തുള്ള നെരോക്കയെ തളക്കുക എളുപ്പമല്ല. ഒന്നാം സ്ഥാനത്തുള്ള ചെന്നൈ എഫ്സിയെ സമനിലയില് തളച്ചതും നെരോക്കയാണ്.
നെരോക്കയുമായുള്ള മത്സരത്തിന് ശേഷം ഒന്പതിന് ഗോകുലം ഈ സീസണിലെ അവസാന കളിയില് ഈസ്റ്റ് ബംഗാളിനെ നേരിടും. കരുത്തരായ രണ്ട് ടീമുകളോടും സമനിലയെങ്കിലും നേടിയില്ലെങ്കില് ഐ ലീഗില് നിന്ന് ഗോകുലം കേരള തരംതാഴ്ത്തപ്പെടും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!