ബെംഗളൂരുവിൽ ചരിത്രമെഴുതി ഇന്ത്യ, റയാൻ വില്യംസിന്‍റെ ഗോളില്‍ പനാമയ്ക്ക് സമനിലപ്പൂട്ട്; ഇനി ലക്ഷ്യം ബ്രസീൽ

മത്സരത്തിന്‍റെ തുടക്കം മുതൽ പ്രതിരോധത്തിലേക്ക് വലിഞ്ഞുനിൽക്കാതെ ആക്രമിച്ചു കളിക്കാനാണ് പരിശീലകൻ ഖാലിദ് ജമീലിന്‍റെ കീഴിൽ ബ്ലൂ ടൈഗേഴ്‌സ് ശ്രമിച്ചത്.

ബെംഗളൂരു: ലോകകപ്പിൽ കളിച്ച കരുത്തരായ പനാമക്കെതിരെ തകർപ്പൻ പ്രകടനവുമായി ഇന്ത്യൻ ഫുട്ബോൾ ടീം. ശ്രീ കണ്ഠീരവ സ്റ്റേഡിയത്തിൽ നടന്ന ആവേശകരമായ സൗഹൃദ മത്സരത്തിൽ പനാമയെ ഇന്ത്യ 1-1 എന്ന സ്കോറിനാണ് സമനിലയില്‍ തളച്ചത്. റയാൻ വില്യംസിലൂടെ ആദ്യ പകുതിയിൽ ഇന്ത്യ മുന്നിലെത്തിയെങ്കിലും രണ്ടാം പകുതിയിൽ ഒമർ ജാവിയർ വലൻസിയയിലൂടെ പനാമ സമനില പിടിക്കുകയായിരുന്നു. ഫിഫ റാങ്കിംഗിൽ 44-ാം സ്ഥാനത്തുള്ള പനാമക്കെതിരെ 138-ാം സ്ഥാനക്കാരായ ഇന്ത്യ കാഴ്ചവെച്ച പോരാട്ടവീര്യം പ്രശംസനീയമായിരുന്നു. 2026ലെ ഫിഫ ലോകകപ്പിൽ കളിച്ച 12 പ്രമുഖ താരങ്ങളുമായാണ് പനാമ ബംഗളൂരുവിൽ ഇറങ്ങിയത്.

പോരാട്ടവീര്യത്തോടെ ഇന്ത്യ

A clinical finish into the back of the net to give the Blue Tigers the breakthrough against Panama! 🦁

Watch India vs Panama, LIVE NOW on Sony Sports Network Channels, Sony LIV & Sony Aath!#SonySportsNetwork #SonyLIV #SonyAath #INDvPAN pic.twitter.com/Q62d56Swjk

— Sony Sports Network (@SonySportsNetwk) September 25, 2026

മത്സരത്തിന്‍റെ തുടക്കം മുതൽ പ്രതിരോധത്തിലേക്ക് വലിഞ്ഞുനിൽക്കാതെ ആക്രമിച്ചു കളിക്കാനാണ് പരിശീലകൻ ഖാലിദ് ജമീലിന്‍റെ കീഴിൽ ബ്ലൂ ടൈഗേഴ്‌സ് ശ്രമിച്ചത്. തുടക്കത്തിൽ പനാമ പന്ത് കൂടുതൽ കൈവശം വെച്ചെങ്കിലും ആഷിഖ് കുരുണിയനും ടെക്ചാം സിംഗും ചേർന്ന മുന്നേറ്റങ്ങൾ പനാമ പ്രതിരോധത്തെ വിറപ്പിച്ചു. അൻവർ അലിയും മലയാളി താരം ബിജോയ് വർഗീസും അടങ്ങിയ ഇന്ത്യൻ പ്രതിരോധനിര പനാമയുടെ ആക്രമണങ്ങളുടെ മൂർച്ച കുറച്ചു. 41-ാം മിനിറ്റിൽ സ്റ്റേഡിയത്തെ ആവേശത്തിലാഴ്ത്തി ഇന്ത്യ ആദ്യ ഗോൾ നേടി. ആകാശ് മിശ്ര ഇടതുപാർശ്വത്തിൽ നിന്ന് നൽകിയ മികച്ച ഡയഗണൽ ക്രോസ് സ്വീകരിച്ച റയാൻ വില്യംസ്, പന്ത് പനാമ ഗോൾകീപ്പറെ കാഴ്ചക്കാരനാക്കി വലയുടെ വലതുമൂലയിലേക്ക് തുളച്ചുകയറ്റി (1-0).

സമനില ഗോളുമായി പനാമ

WHAT AN ABSOLUTE GOLAZO! 🚀😱

Thunderbolt strike from distance that leaves the stadium stunned! Outrageous technique from Panama's number 14! 🔥

Watch India vs Panama, LIVE NOW on Sony Sports Network Channels, Sony LIV & Sony Aath!#SonySportsNetwork #SonyLIV #SonyAath… pic.twitter.com/gwW8xloQz3

— Sony Sports Network (@SonySportsNetwk) September 25, 2026

രണ്ടാം പകുതിയിൽ തിരിച്ചടിക്കാൻ ഉറച്ചാണ് പനാമ കളത്തിലിറങ്ങിയത്. 68-ാം മിനിറ്റിൽ ബോക്സിന് വെളിയിൽ നിന്ന് ഒമർ ജാവിയർ വലൻസിയ തൊടുത്ത ഉഗ്രനൊരു ലോംഗ് റേഞ്ചർ ഇന്ത്യൻ ഗോൾകീപ്പർ ഗുർപ്രീത് സിംഗ് സന്ധുവിനെ മറികടന്ന് വലയിൽ പതിച്ചതോടെ പനാമ സമനില നേടി (1-1). തുടർന്ന് സഹൽ അബ്ദുൽ സമദ്, അനിരുദ്ധ് ഥാപ്പ, എഡ്മണ്ട് ലാൽരിന്ദിക എന്നിവരെ ഖാലിദ് ജമീൽ കളത്തിലിറക്കി.

Ryan Williams comes agonizingly close! 💙

The entire Kanteerava Stadium held its collective breath! 🏟️😮

Watch India vs Panama, LIVE NOW on Sony Sports Network Channels, Sony LIV & Sony Aath!#SonySportsNetwork #SonyLIV #SonyAath #INDvPAN pic.twitter.com/jDv02PbvMT

— Sony Sports Network (@SonySportsNetwk) September 25, 2026

മത്സരത്തിന്‍റെ അവസാന നിമിഷങ്ങളിൽ എഡ്മണ്ട് ലാൽരിന്ദികയ്ക്ക് ലഭിച്ച സുവർണ്ണാവസരം പുറത്തേക്ക് പോയത് ഇന്ത്യക്ക് തിരിച്ചടിയായി. സമനില ഗോൾ വഴങ്ങിയ ശേഷവും പ്രതിരോധത്തിലേക്ക് വലിഞ്ഞുമുറുകാതെ വിജയഗോളിനായി ഇന്ത്യ അവസാന നിമിഷം വരെ പൊരുതി. റാങ്കിംഗിലും പരിചയസമ്പത്തിലും ഏറെ മുന്നിലുള്ള ഒരു ടീമിനെതിരെ ഇന്ത്യ പുറത്തെടുത്ത ഈ പോരാട്ടവീര്യം ആരാധകരെയും അമ്പരപ്പിച്ചു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക