ക്ലോപ്പിന്‍റെ അരങ്ങേറ്റത്തിൽ വില്ലനായി ഗാക്‌പോ; ജർമനിയെ സമനിലയിൽ തളച്ച് സാവിയുടെ നെതർലൻഡ്സ്

മത്സരത്തിന്‍റെ ഫെലിക്സ് എൻമെച്ചയിലൂടെ ജർമ്മനിയാണ് ആദ്യം മുന്നിലെത്തിയത്. 32-ാം മിനിറ്റിൽ കരീം അഡെയെമി നൽകിയ പാസിൽ നിന്നായിരുന്നു എൻമെച്ചയുടെ ഗോൾ.

ആംസ്റ്റര്‍ഡാം: യുവേഫ നേഷൻസ് ലീഗിൽ പുതിയ കോച്ച് യുർഗൻ ക്ലോപ്പിന്‍റെ അരങ്ങേറ്റ മത്സരത്തിൽ ജർമനിക്ക് നിരാശ. അവസാന മിനിറ്റ് വരെ ഒരു ഗോളിന് മുന്നില്‍ നിന്നെങ്കിലും ഇഞ്ചുറി ടൈമിൽ കോഡി ഗാക്‌പോ നേടിയ തകർപ്പൻ ഗോളിൽ ജർമനിയെ നെതർലൻഡ്സ് 1-1ന് സമനിലയിൽ തളച്ചു. പരിശീലകനായ സാവി ഹെർണാണ്ടസിന്‍റെ നെതർലൻഡ്സ് കോച്ചായുള്ള കന്നി മത്സരം കൂടിയായിരുന്നു ഇത്.

Cody Gakpo last minute Equalizer goal in Netherlands vs Germany UEFA Nations League game. pic.twitter.com/WRvu7fIuDu

— Daily Foot Vibes (@dailyfootvibes) September 24, 2026

മത്സരത്തിൽ ഫെലിക്സ് എൻമെച്ചയിലൂടെ ജർമ്മനിയാണ് ആദ്യം മുന്നിലെത്തിയത്. 32-ാം മിനിറ്റിൽ കരീം അഡെയെമി നൽകിയ പാസിൽ നിന്നായിരുന്നു എൻമെച്ചയുടെ ഗോൾ. ആദ്യ പകുതിയിൽ ലീഡ് വഴങ്ങിയെങ്കിലും മത്സരം മുഴുവൻ അടക്കിഭരിച്ച നെതർലൻഡ്സ് ജർമൻ പ്രതിരോധത്തിന് വലിയ ഭീഷണിയാണ് ഉയർത്തിയത്. വിജയം ഉറപ്പിച്ചെന്ന് കരുതിയ ജർമനിയെ ഞെട്ടിച്ചുകൊണ്ട് മത്സരത്തിന്‍റെ അവസാന നിമിഷങ്ങളിലാണ് നെതർലൻഡ്സ് സമനില ഗോൾ നേടിയത്. റൂബൻ വാൻ ബോമലിന്‍റെ മികച്ചൊരു ക്രോസിൽ നിന്ന് വോളിയിലൂടെ കോഡി ഗാക്‌പോ പന്ത് വലയിലാക്കുകയായിരുന്നു.

first look at Klopp's Germanypic.twitter.com/33AOEdEG9Y

— ً (@MunichComps) September 24, 2026

മത്സരത്തിന് തൊട്ടുമുമ്പ് സൂപ്പർ താരം ജമാൽ മുസിയാലയ്ക്കും കളിക്കിടെ കൈ ഹാവർട്സിനും പരിക്കേറ്റത് ജർമനിക്ക് തിരിച്ചടിയായി. സമനില വഴങ്ങിയെങ്കിലും ടീമിന്‍റെ പോരാട്ടവീര്യത്തിൽ സംതൃപ്തനാണെന്ന് മത്സരശേഷം ജർമ്മൻ കോച്ച് യുർഗൻ ക്ലോപ്പ് പ്രതികരിച്ചു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക