Brazil beat South Korea : അഞ്ചടിമേളം! ദക്ഷിണ കൊറിയക്ക് മേല് വിജയാഘോഷവുമായി കാനറികള്, നെയ്മര്ക്ക് ഡബിള്
Synopsis
നെയ്മറെയും റിച്ചാര്ലിസണെയും ആക്രമണത്തിന് നിയോഗിച്ച് 4-4-2 ശൈലിയിലാണ് ബ്രസീല് ടീമിനെ പരിശീലകന് ടിറ്റെ അണിനിരത്തിയത്
സോൾ: രാജ്യാന്തര സൗഹൃദ ഫുട്ബോള് മത്സരത്തില്(International football friendly) സൂപ്പര് താരം നെയ്മറുടെ(Neymar) മികവില് ദക്ഷിണ കൊറിയക്കെതിരെ ബ്രസീലിന്(South Korea vs Brazil) വമ്പന് ജയം. ഒന്നിനെതിരെ അഞ്ച് ഗോളുകള്ക്കാണ് കാനറികളുടെ വിജയം. നെയ്മര്(Neymar) പെനാല്റ്റിയിലൂടെ ഇരട്ട ഗോളുകള് നേടിയപ്പോള് റിച്ചാര്ലിസണും(Richarlison), ഫിലിപ്പെ കുടീഞ്ഞോയും(Philippe Coutinho), ഗബ്രിയേല് ജെസ്യൂസും(Gabriel Jesus) ഓരോ ഗോള് നേടി.
നെയ്മറെയും റിച്ചാര്ലിസണെയും ആക്രമണത്തിന് നിയോഗിച്ച് 4-4-2 ശൈലിയിലാണ് ബ്രസീല് ടീമിനെ പരിശീലകന് ടിറ്റെ അണിനിരത്തിയത്. ഗോള്വലയ്ക്ക് കീഴെ വെവര്ട്ടന് എത്തിയപ്പോള് അലക്സ് സാന്ദ്രോയ്ക്കും മാര്ക്വീഞ്ഞോസിനുമൊപ്പം വെറ്ററന് താരങ്ങളായ തിയാഗോ സില്വയും ഡാനി ആല്വസും പ്രതിരോധം കാക്കാനിറങ്ങി. ലൂക്കാസ് പക്വേറ്റ, കാസിമിറോ, ഫ്രഡ്, റാഫീഞ്ഞോ എന്നിവരായിരുന്നു മധ്യനിരയില്.
കിക്കോഫായി ഏഴാം മിനുറ്റില് തന്നെ റിച്ചാര്ലിസണ് ബ്രസീലിനെ മുന്നിലെത്തിച്ചു. ഫ്രഡിന്റെ വകയായിരുന്നു അസിസ്റ്റ്. 31-ാം മിനുറ്റില് കൊറിയന് ടീം ഒപ്പമെത്തിയെങ്കിലും 15 മിനുറ്റിനിടെ ഇരട്ട ഗോളുകളുമായി നെയ്മര് ബ്രസീലിന് 3-1ന്റെ സുരക്ഷിത ലീഡ് സമ്മാനിച്ചു. 42, 52 മിനുറ്റുകളില് ലഭിച്ച പെനാല്റ്റി അവസരങ്ങള് സൂപ്പര്താരം വലയിലെത്തിക്കുകയായിരുന്നു. പകരക്കാരനായെത്തിയ കുടീഞ്ഞോ 80-ാം മിനുറ്റില് ലക്ഷ്യം കണ്ടപ്പോള് ഇഞ്ചുറിടൈമിന്റെ മൂന്നാം മിനിറ്റില് ഗബ്രിയേല് ജെസ്യൂസ് പട്ടിക പൂര്ത്തിയാക്കി.
ENG vs NZ : എങ്ങനെ പിടികൂടി ജോണി ബെയര്സ്റ്റോ! ഇത് വണ്ടര്, തണ്ടര് ക്യാച്ച്- വീഡിയോ
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!