PSG vs Brest : ലിയോണല് മെസിയില്ല; പിഎസ്ജി ഇന്ന് ബ്രെസ്റ്റിനെതിരെ
Synopsis
എഞ്ചൽ ഡി മരിയ അടക്കമുള്ള താരങ്ങൾ കൊവിഡ് മുക്തരായി തിരിച്ചെത്തുന്നത് പിഎസ്ജിക്ക് ആശ്വാസമാണ്
പാരിസ്: ഫ്രഞ്ച് ലീഗ് ഫുട്ബോളിൽ (Ligue 1 2021-22) പിഎസ്ജി (PSG) ഇന്ന് ഇരുപത്തിയൊന്നാം റൗണ്ട് മത്സരത്തിറങ്ങും. ഇന്ത്യൻ സമയം രാത്രി ഒന്നരയ്ക്ക് തുടങ്ങുന്ന കളിയിൽ ബ്രെസ്റ്റാണ് (Brest) എതിരാളികൾ. കൊവിഡ് മുക്തനായെങ്കിലും പൂർണ ആരോഗ്യം വീണ്ടെടുക്കാത്ത ലിയോണൽ മെസി (Lionel Messi) ഇന്നും കളിക്കില്ല. കഴിഞ്ഞയാഴ്ച ലിയോണിനെതിരെയും മെസി കളിച്ചിരുന്നില്ല.
പരിക്കേറ്റ നെയ്മറും പിഎസ്ജി നിരയിലുണ്ടാവില്ല. എഞ്ചൽ ഡി മരിയ അടക്കമുള്ള താരങ്ങൾ കൊവിഡ് മുക്തരായി തിരിച്ചെത്തുന്നത് പിഎസ്ജിക്ക് ആശ്വാസമാണ്. 20 കളിയിൽ 47 പോയിന്റുമായി ലീഗിൽ ഒന്നാംസ്ഥാനത്ത് തുടരുകയാണ് പിഎസ്ജി. രണ്ടാം സ്ഥാനത്തുള്ള നീസിനെക്കാൾ 11 പോയിന്റ് ലീഡുണ്ട് മൗറീസിയോ പൊച്ചെറ്റീനോയുടെ പിഎസ്ജിക്ക്.
ഇംഗ്ലണ്ടിലും സൂപ്പർദിനം
ഇംഗ്ലീഷ് പ്രീമിയർ ലീഗിലും തീപാറും പോരാട്ടത്തിന്റെ ദിനമാണിന്ന്. നിലവിലെ ചാമ്പ്യൻമാരായ മാഞ്ചസ്റ്റർ സിറ്റി വൈകിട്ട് ആറരയ്ക്ക് ചെൽസിയെ നേരിടും. കിരീടപ്പോരാട്ടത്തിൽ ഏറെ നിർണായകമായ മത്സരം സിറ്റിയുടെ മൈതാനത്താണ് നടക്കുക. ആദ്യപാദത്തിൽ ചെൽസിയുടെ മൈതാനത്ത് ഏറ്റുമുട്ടിയപ്പോൾ സിറ്റി ഒറ്റ ഗോളിന് ജയിച്ചിരുന്നു.
ക്രിസ്റ്റ്യനോ റൊണാൾഡോയുടെ മാഞ്ചസ്റ്റർ യുണൈറ്റഡും ഇന്ന് കളത്തിലിറങ്ങും. സ്റ്റീവൻ ജെറാർഡ് പരിശീലിപ്പിക്കുന്ന ആസ്റ്റൻ വില്ലയാണ് എതിരാളികള്. രാത്രി പതിനൊന്നിന് ആസ്റ്റൻ വില്ലയുടെ മൈതാനത്താണ് മത്സരം. 19 കളിയിൽ 31 പോയിന്റുള്ള യുണൈറ്റഡ് ഏഴും 22 പോയിന്റുള്ള ആസ്റ്റൻ വില്ല പതിനാലും സ്ഥാനത്താണ്. രാത്രി എട്ടരയ്ക്ക് സതാംപ്ടൺ, വോൾവ്സിനെയും എവർട്ടൻ, നോർവിച്ച് സിറ്റിയെയും നേരിടും.
ISL 2021-22 : ഐഎസ്എല്ലിന് കൊവിഡ് ഭീഷണി; എടികെ മോഹൻ ബഗാൻ- ബെംഗളൂരു മത്സരവും മാറ്റി
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!