FA Cup : മാനേ മാജിക്; സിറ്റിയുടെ തിരിച്ചുവരവ് അതിജീവിച്ച് ലിവര്പൂള് എഫ് എ കപ്പ് ഫൈനലിൽ
Synopsis
പരിക്കേറ്റ കെവിൻ ഡിബ്രൂയിനും കെയ്ൽ വാക്കറുമില്ലാതെ ഇറങ്ങിയ മാഞ്ചസ്റ്റർ സിറ്റിക്കെതിരെ ആദ്യപകുതിയിൽ തന്നെ മൂന്ന് ഗോളിന് ലിവര്പൂള് മുന്നിലെത്തി
വെംബ്ലി: വമ്പന് പോരാട്ടത്തില് മാഞ്ചസ്റ്റർ സിറ്റിയെ (Man City) തോൽപിച്ച് ലിവർപൂൾ (Liverpool FC) എഫ് എ കപ്പ് (FA Cup) ഫൈനലിൽ. ആവേശപ്പോരാട്ടത്തിൽ രണ്ടിനെതിരെ മൂന്ന് ഗോളിനായിരുന്നു ലിവർപൂളിന്റെ ജയം. സാദിയോ മാനേ (Sadio Mane) ഇരട്ട ഗോള് നേടി.
ലിവർപൂളിന്റെ ഗോളോടെയാണ് സൂപ്പർപോരാട്ടം തുടങ്ങിയത്. പരിക്കേറ്റ കെവിൻ ഡിബ്രൂയിനും കെയ്ൽ വാക്കറുമില്ലാതെ ഇറങ്ങിയ മാഞ്ചസ്റ്റർ സിറ്റിക്കെതിരെ ആദ്യപകുതിയിൽ തന്നെ മൂന്ന് ഗോളിന് ലിവര്പൂള് മുന്നിലെത്തി. ഒന്പതാം മിനുറ്റില് ഇബ്രാഹിമ കൊനാറ്റെ വല ചലിപ്പിച്ചപ്പോള് സാദിയോ മാനേ പിന്നാലെ ഡബിള് തികച്ചു. 17, 45 മിനുറ്റുകളിലായിരുന്നു മാനെയുടെ ഗോളുകള്.
രണ്ടാംപകുതിയുടെ തുടക്കത്തിൽ ഗ്രീലിഷിലൂടെ സിറ്റി ആദ്യ മറുപടി നല്കി. 47-ാം മിനുറ്റിലായിരുന്നു ഗ്രീലിഷിന്റെ ഗോള്. ഇഞ്ചുറിടൈമിൽ (90+1) ബെർണാർഡോ സിൽവയും ലക്ഷ്യം കണ്ടു. അവസാന നിമിഷങ്ങളിൽ സമനിലയ്ക്കായി സിറ്റി സാധ്യമായ വഴികളെല്ലാം നോക്കിയെങ്കിലും ഫലം കണ്ടില്ല. ലിവർപൂൾ ഫൈനലിൽ ചെൽസി-ക്രിസ്റ്റൽപാലസ് രണ്ടാം സെമി വിജയികളെ നേരിടും. മേയ് പതിനാലിനാണ് കിരീടപ്പോരാട്ടം.
റോണോയ്ക്ക് ഹാട്രിക്, ഇരമ്പിയാര്ത്ത് ഓള്ഡ് ട്രഫോര്ഡ്; ആഴ്സണലിനും ടോട്ടനത്തിനും തിരിച്ചടി
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!