സലയുടെ വണ്ടര് ഗോളില് ലിവര്പൂള്; സിറ്റിയും ജയിച്ചുകയറി
Synopsis
മുഹമ്മദ് സാലയുടെയും സാദിയോ മാനേയുടെയും ഗോളുകൾക്കാണ് ലിവർപൂളിന്റെ ജയം. റഹീം സ്റ്റെർലിംഗിന്റെ ഇരട്ടഗോൾ മികവിലാണ് സിറ്റിയുടെ ജയം.
ലണ്ടന്: ഇംഗ്ലീഷ് പ്രീമിയർ ലീഗിലെ സൂപ്പർ പോരാട്ടത്തിൽ ലിവർപൂളിന് ജയം. ലിവർപൂൾ എതിരില്ലാത്ത രണ്ട് ഗോളിന് ചെൽസിയെ തോൽപിച്ചു. മുഹമ്മദ് സലയുടെയും സാദിയോ മാനേയുടെയും ഗോളുകൾക്കാണ് ലിവർപൂളിന്റെ ജയം.
85 പോയിന്റുമായി ലീഗിൽ ഒന്നാം സ്ഥാനം നിലനിർത്താനും ലിവർപൂളിനായി. രണ്ട് മിനിറ്റിനിടെയായിരുന്നു ലിവർപൂളിന്റെ ഗോളുകൾ. അൻപത്തിയൊന്നാം മിനിറ്റിൽ മാനേയും അൻപത്തിമൂന്നാം മിനിറ്റിൽ സലായും ലക്ഷ്യം കണ്ടു.
മറ്റൊരു മത്സരത്തിൽ മാഞ്ചസ്റ്റർ സിറ്റി ഒന്നിനെതിരെ മൂന്ന് ഗോളിന് ക്രിസ്റ്റൽ പാലസിനെ തോൽപിച്ചു. റഹീം സ്റ്റെർലിംഗിന്റെ ഇരട്ടഗോൾ മികവിലാണ് സിറ്റിയുടെ ജയം. ഗബ്രിയേൽ ജീസസാണ് മൂന്നാം ഗോൾ നേടിയത്.
83 പോയിന്റുമായി ലീഗിൽ രണ്ടാം സ്ഥാനത്ത് തുടരുകയാണ് സിറ്റി. ഒന്നാം സ്ഥാനത്തുള്ള ലിവർപൂളിനേക്കാൾ ഒരു മത്സരം കുറച്ച് കളിച്ചത് സിറ്റിക്ക് കിരീട പ്രതീക്ഷ നൽകുന്നുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!