നേഷന്സ് ലീഗ്: സ്പെയിനിനെ സമനിലയില് തളച്ച് പോര്ച്ചുഗല്, ചെക്ക് റിപ്ലബിക്കിനും നോര്വെക്കും ജയം
Synopsis
തുടക്കം മുതല് ആക്രമിച്ചു കളിച്ച സ്പെയിനിനായിരുന്നു മത്സരത്തില് മുന്തൂക്കം. പലതവണ ഗോളിന് അടുത്തെത്തിയെങ്കിലും പ്രതിരോധത്തില് പെപ്പെയുടെ പ്രകടനം പോര്ച്ചുഗലിന്റെ രക്ഷക്കെത്തി.
മാഡ്രിഡ്: നേഷന്സ് ലീഗ് ഫുട്ബോളില്(Nations League) സ്പെയിനിനെതിരെ പോര്ച്ചുഗലിന് സമനില. റിക്കാര്ഡോ ഹോര്ട്ടോയെയുടെ ഗോളിലാണ് പോര്ട്ടുഗല് സമനില പിടിച്ചത്. ആല്വാരോ മൊറാട്ടയുടെ ഗോളിലാണ് സ്പെയിന് ലീഡെടുത്തത്. സമനിലയോടെ 2004നുശേഷം സ്പെയിനിനെ തോല്പ്പിക്കാനായിട്ടില്ലെന്ന റെക്കോര്ഡ് തിരുത്താനും പോര്ച്ചുഗലിനായില്ല.
തുടക്കം മുതല് ആക്രമിച്ചു കളിച്ച സ്പെയിനിനായിരുന്നു മത്സരത്തില് മുന്തൂക്കം. പലതവണ ഗോളിന് അടുത്തെത്തിയെങ്കിലും പ്രതിരോധത്തില് പെപ്പെയുടെ പ്രകടനം പോര്ച്ചുഗലിന്റെ രക്ഷക്കെത്തി.
വാസ്ക്വസിനും ബാരെറ്റോക്കും പിന്നാല ഭൂട്ടാനീസ് റൊണാള്ഡോ ചെഞ്ചോയും ബ്ലാസ്റ്റേഴ്സ് വിട്ടു
എന്നാല് 25-ാം മിനിറ്റില് മൊറാട്ടയിലൂടെ സ്പെയിന് ലീഡെടുത്തു. ആദ്യ പകുതിയില് തന്നെ പോര്ച്ചുഗലിന് സമനില നേടാന് അവസരം ലഭിച്ചിരുന്നു. എന്നാല് റാപേല് ലിയാവോക്കും ആന്ദ്രെ സില്വക്കും ലക്ഷ്യം പിഴച്ചു. സ്പെയിന് പ്രിതരോധത്തിന് പിഴച്ചപ്പോഴൊക്കെ ഗോള് കീപ്പര് യുനാനി സിമോണ് അവരുടെ രക്ഷക്കെത്തി. ഇതിനിടെ ലീഡുയര്ത്താന് സ്പെയിനിനും അവസരങ്ങള് ലഭിച്ചു.
അഞ്ചടിമേളം! ദക്ഷിണ കൊറിയക്ക് മേല് വിജയാഘോഷവുമായി കാനറികള്, നെയ്മര്ക്ക് ഡബിള്
സ്പെയിന് ജയിച്ചു കയറുമെന്ന് കരുതിയിരിക്കെ മത്സരം തീരാന് എട്ടു മിനിറ്റ് മാത്രം ബാക്കിയുള്ളപ്പോള് പകരക്കാരനായി എത്ിയ ഹോര്ട്ട പോര്ച്ചുഗലിന്റെ സമനില ഗോള് നേടി. ജോവോ ക്യാന്സലോയുടെ പാസില് നിന്നായിരുന്നു ഹോര്ട്ടയുടെ ഗോള്.
ഹാലന്ഡ് ഗോളില് സെര്ബിയയെ വീഴ്ത്തി നോര്വെ
നേഷന്സ് ലീഗിലെ മറ്റൊരു മത്സരത്തില് സൂപ്പര് സ്ട്രൈക്കര് എര്ലിംഗ് ഹാലന്ഡിന്റെ തകര്പ്പന് ഗോളില് നോര്വെ സെര്ബിയയെ വീഴ്ത്തി. ഗോള് കീപ്പര് ഓര്ജാന് നൈലാന്ഡിന്റെ തകര്പ്പന് സേവുകളും നോര്വെയുടെ രക്ഷക്കെത്തി. 26-ാം മിനിറ്റിലായിരുന്നു നോര്വെക്കായി ഹാലന്ഡിന്റെ ഗോള്.
സ്വിറ്റ്സര്ലന്ഡിന് ചെക്ക്
മറ്റൊരു മത്സരത്തില് സ്വിറ്റ്സര്ലന്ഡിനെ ചെക്ക് റിപ്ലബിക്ക് ഒന്നിനെതിരെ രണ്ട് ഗോളിന് വീഴ്ത്തി.11-ാം മിനിറ്റില് ജാന് കുച്തായിലൂടെ ചെക്കിനെ മുന്നിലെത്തിച്ചു. നോഹ ഒക്കഫോറിലൂടെ സ്വിറ്റ്സര്ലന്ഡ് സമനില പിടിച്ചെങ്കിലും 58ാം മിനിറ്റില് ജാക്കൂബ് ജാന്ക്റ്റോയുടെ ക്രോസ് സ്വിസ് മിഡ്ഫീല്ഡറുടെ കാലില് തട്ടി വലയില് കയറിയതോടെ ചെക്ക് വിജയം ഉറപ്പിച്ചു.