എല് ക്ലാസികോ: ബാഴ്സലോണയെ ഞെട്ടിച്ച് റയല്, ഒന്നാം സ്ഥാനത്ത് തിരിച്ചെത്തി
Synopsis
എല് ക്ലാസികോ പോരാട്ടത്തില് ബാഴ്സലോണയെ തോല്പ്പിച്ച് റയല് മാഡ്രിഡ് ഒന്നാം സ്ഥാനത്ത് തിരിച്ചെത്തി. സാന്റിയാഗോ ബെര്ണാബ്യൂവില് നടന്ന മത്സരത്തില് എതിരില്ലാത്ത രണ്ട് ഗോളുകള്ക്ക് റയല് ജയിച്ചത്.
മാഡ്രിഡ്: എല് ക്ലാസികോ പോരാട്ടത്തില് ബാഴ്സലോണയെ തോല്പ്പിച്ച് റയല് മാഡ്രിഡ് ഒന്നാം സ്ഥാനത്ത് തിരിച്ചെത്തി. സാന്റിയാഗോ ബെര്ണാബ്യൂവില് നടന്ന മത്സരത്തില് എതിരില്ലാത്ത രണ്ട് ഗോളുകള്ക്ക് റയല് ജയിച്ചത്. വിനീഷ്യസ് ജൂനിയര്, മരിയാനോ ഡയസ് എന്നിവരാണ് റയലിന്റെ ഗോളുകള് നേടിയത്.
ഗോള്രഹിതമായ ആദ്യപകുതിക്ക് ശേഷം 71ാം മിനിറ്റിലാണ് റയല് ആദ്യഗോള് നേടിയത്. ഇതോടെ സമനിലയ്ക്കായുള്ള പോരാട്ടം ബാഴ്സ കടുപ്പിച്ചു. സമനില ഗോളിനായുള്ള ബാഴ്സയുടെ പോരാട്ടം റയല് പ്രതിരോധ നിരയില് തട്ടി തകര്ന്നു. രണ്ടാം പകുതിയുട ഇഞ്ചുറി ടൈമില് മരിയാനോ റയലിനായി രണ്ടാം ഗോള് നേടി.
26 കളികളില് നിന്ന് 56 പോയിന്റാണ് റയലിന്റെ സമ്പാദ്യം. 26 കളികളില് നിന്ന് 55 പോയിന്റാണ് ബാഴ്സയ്ക്കുള്ളത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!