ഇരട്ട ഗോള് എയ്ത് മെസിയുടെ കാലുകള്; ലിവര്പൂളിനെതിരെ ബാഴ്സയ്ക്ക് മിന്നും ജയം
Synopsis
മെസിയുടെ മാന്ത്രിക ബൂട്ടുകള് കൊണ്ട് ലിവര്പൂളിനെ തളച്ച് ബാഴ്സലോണ. എതിരില്ലാത്ത മൂന്ന് ഗോളിനാണ് ബാഴ്സയുടെ മിന്നും ജയം.
ബാഴ്സലോണ: യുവേഫ ചാമ്പ്യന്സ് ലീഗ് ആദ്യ പാദ സെമിയില് ലിയോണല് മെസിയുടെ മാന്ത്രിക ബൂട്ടുകള് കൊണ്ട് ലിവര്പൂളിനെ തളച്ച് ബാഴ്സലോണ. എതിരില്ലാത്ത മൂന്ന് ഗോളിനാണ് ബാഴ്സയുടെ മിന്നും ജയം. ലിവര്പൂള് മുന്താരം സുവാരസ് 26-ാം മിനുറ്റില് ബാഴ്സയെ മുന്നിലെത്തിച്ചപ്പോള് രണ്ടാം പകുതിയില് ഇരട്ട ഗോളുമായി(75, 82) മെസി ലിവര്പൂളിന്റെ സ്വപ്നങ്ങള് കവര്ന്നു.
തകര്പ്പന് ഫ്രീ കിക്കിലൂടെയായിരുന്നു 82-ാം മിനുറ്റിലെ മെസിയുടെ രണ്ടാം ഗോള്. ഇതോടെ ബാഴ്സ ജഴ്സിയില് മെസി 600 ഗോള് തികച്ചു. കൂടുതല് സമയം ലിവര്പൂള് പന്ത് കാല്ക്കല് വെച്ചിട്ടും ബാഴ്സ അനായാസം ജയിച്ചുകയറി. ലിവര്പൂളിന്റെ തട്ടകത്തില് മെയ് എട്ടിന് രണ്ടാം പാദ സെമി നടക്കും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!