നേഷൻസ് ലീഗ്: പോർച്ചുഗലിനെ വീഴ്ത്തി ഫ്രാന്സ് സെമിയില്; സ്പെയ്ന് സമനില
Synopsis
നായകൻ സെർജിയോ റാമോസ് രണ്ട് പെനാൽറ്റി പാഴാക്കിയതാണ് സ്പെയ്ന് തിരിച്ചടിയായത്
ലിസ്ബണ്: യുവേഫ നേഷൻസ് ലീഗിൽ ഫ്രാൻസ് സെമിയിൽ. നിർണായക മത്സരത്തിൽ പോർച്ചുഗലിനെ ഏകക്ഷീയമായ ഒരു ഗോളിന് ഫ്രാൻസ് തോൽപ്പിച്ചു. 53-ാം മിനുറ്റിൽ കാന്റെയാണ് ഫ്രഞ്ച് പടയ്ക്കായി ഗോൾ നേടിയത്. എംബാപ്പേ ഇല്ലാതെയാണ് ലോകചാമ്പ്യന്മാർ കളിക്കാനിറങ്ങിയത്.
മറ്റൊരു മത്സരത്തിൽ സ്പെയ്നിനെ സ്വിറ്റ്സർലണ്ട് സമനിലയിൽ തളച്ചു. സ്പെയ്നിനായി മൊറീനോയും സ്വിറ്റ്സർലണ്ടിനായി ഫ്രിയുലറും ഗോൾ നേടി. നായകൻ സെർജിയോ റാമോസ് രണ്ട് പെനാൽറ്റി പാഴാക്കിയതാണ് സ്പെയ്ന് തിരിച്ചടിയായത്. 177-ാം മത്സരത്തിനിറങ്ങിയ റാമോസ് ഏറ്റവും കൂടുതൽ മത്സരം കളിക്കുന്ന പുരുഷ യൂറോപ്യൻതാരമായി.
അതേസമയം സ്വീഡൻ ക്രൊയേഷ്യയെ ഒന്നിനെതിരെ രണ്ട് ഗോളിന് തോൽപ്പിച്ചു. കുലുസേവ്സ്കി, ഡാനിയേൽസൺ എന്നിവരാണ് സ്വീഡനായി ഗോൾ നേടിയത്. ഡാനിയേൽസൺ, 81-ാം മിനുറ്റിൽ സ്വന്തം വലയിലേക്കും ഗോളടിച്ചുകയറ്റി.
മറ്റൊരു മത്സരത്തിൽ ജർമ്മനി യുക്രൈനെ തോൽപ്പിച്ചു. ഒന്നിനെതിരെ മൂന്ന് ഗോളിനാണ് ജർമ്മനിയുടെ ജയം. വെർണറുടെ ഇരട്ട ഗോൾ മികവിലാണ് ജർമ്മനിയുടെ ജയം. ലിറോയ് സാനെയും ജർമ്മനിക്കായി സ്കോർ ചെയ്തു.
ഐപിഎല്ലിലേക്ക് പുതിയ രണ്ട് ടീമുകള് കൂടി ?; ബിസിസിഐ വാര്ഷിക പൊതുയോഗം ഡിസംബറിലെന്ന് സൂചന
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!