സിദാന് കാത്തിരുന്ന മത്സരം ഒക്ടോബര് 3ന്, മെറ്ററാസി സംഭവത്തിന് ശേഷം സിദാന് ഇറ്റലിയുമായി മുഖാമുഖം
Synopsis
ഫ്രാന്സ് 1998 ല് നാട്ടില് വെച്ച് ലോകകപ്പ് കിരീടം ആദ്യമായി നേടുമ്പോള് ആ ടീമിന്റെ ഇതിഹാസമായിരുന്നു സിനദിന് സിദാന്. കളിക്കാരനായും പരിശീലകനായും തലമുറകളെ പ്രചോദിപ്പിച്ച സിദാന്, താനേറെ ആഗ്രഹിച്ച ഫ്രാന്സ് ദേശീയ ഫുട്ബോള് ടീമിനൊപ്പമുള്ള യാത്ര സെപ്തംബര് 26ന് ആരംഭിക്കുകയാണ്.
വീട്ടിലേക്ക് സ്വാഗതം - ഫ്രാന്സ് ദേശീയ ഫുട്ബോള് ടീമിന്റെ പരിശീലകനായി സിനദിന് സിദാനെ നിയമിച്ചപ്പോള് ഫ്രഞ്ച് സ്ട്രൈക്കര് കിലിയന് എംബാപെ ഇന്സ്റ്റഗ്രാമില് കുറിച്ചതാണിത്. ഫ്രാന്സ് 1998 ല് നാട്ടില് വെച്ച് ലോകകപ്പ് കിരീടം ആദ്യമായി നേടുമ്പോള് ആ ടീമിന്റെ ഇതിഹാസമായിരുന്നു സിനദിന് സിദാന്. കളിക്കാരനായും പരിശീലകനായും തലമുറകളെ പ്രചോദിപ്പിച്ച സിദാന്, താനേറെ ആഗ്രഹിച്ച ഫ്രാന്സ് ദേശീയ ഫുട്ബോള് ടീമിനൊപ്പമുള്ള യാത്ര സെപ്തംബര് 26ന് ആരംഭിക്കുകയാണ്. അന്നാണ്, സിദാന് കീഴില് ഫ്രാന്സ് ആദ്യ മത്സരം കളിക്കാനിറങ്ങുന്നത്.
യുവേഫ നാഷന്സ് ലീഗാണ് വേദി. തുര്ക്കിയാണ് ആദ്യ എതിരാളി. സെപ്തംബര് 29ന് ബെല്ജിയവുമായും കളിയുണ്ട്. എന്നാല്, ഫുട്ബോള് ലോകം കാത്തിരിക്കുന്നത് ഒക്ടോബര് മൂന്നിന് നടക്കുന്ന ഫ്രാന്സ്-ഇറ്റലി മത്സരത്തിനാണ്. 2006 ലോകകപ്പ് ഫൈനലില് ഇറ്റലിയുടെ മാര്കോ മെറ്ററാസിയെ തലകൊണ്ട് കുത്തിയിട്ടതിന് പിന്നാലെ ചുവപ്പ് കാര്ഡ് കണ്ടതാണ് സിദാന്റെ ഫുട്ബോള് കരിയറിന് അന്ത്യം കുറിച്ചത്. അന്ന് തല താഴ്ത്തി ഡ്രസിംഗ് റൂമിലേക്ക് നടന്നു നീങ്ങിയ സിദാന് പിന്നീട് കളിക്കാനിറങ്ങിയിട്ടില്ല. കരിയര് അവസാനിപ്പിച്ചു.
പരിശീലകന്റെ കുപ്പായമണിയുമ്പോള് ഇറ്റലിയെ തോല്പ്പിച്ചു കൊണ്ട് തുടങ്ങാന് സിദാന് ആഗ്രഹിക്കുന്നുണ്ടാകും. പ്രത്യേകിച്ച് ആ മത്സരം ഫ്രാന്സില് വെച്ചാകുമ്പോള്. തുര്ക്കി, ബെല്ജിയം മത്സരം എവേയാണ്.
ഇരുപത്തിനാലാം വയസില് ഫ്രഞ്ച് ക്ലബ്ബ് ബോര്ഡിയക്സില് നിന്ന് ഇറ്റലിയിലെ യുവെന്റസിലേക്ക് ചേക്കേറിയത് മുതല് സിദാന് ഫ്രാന്സിന് പുറത്താണ്. അഞ്ച് വര്ഷം ഇറ്റലിയില് യുവെന്റസിനായി കളിച്ച ശേഷം സിദാന് സ്പെയ്നില് റയല് മാഡ്രിഡിലെത്തി. പ്ലെയിംഗ് കരിയര് അവസാനിപ്പിച്ച ശേഷം റയല് മാഡ്രിഡില് സഹപരിശീലകനായും പരിശീലകനായും ഫുട്ബോളില് തുടര്ന്നു.
2016 മുതല് 2018 വരെ റയല് മാഡ്രിഡ് സിദാന് കീഴില് ചരിത്രം സൃഷ്ടിച്ചു. യുവേഫ ചാമ്പ്യന്സ് ലീഗ് കിരീടത്തില് ഹാട്രിക്ക് നേട്ടം ആദ്യ സംഭവമായിരുന്നു. അത് സിദാന്റെ റയല്മാഡ്രിഡിന് മാത്രം അവകാശപ്പെട്ടതാണ്. 2021 ല് റയല് മാഡ്രിഡ് പരിശീലക സ്ഥാനമൊഴിഞ്ഞ സിദാന്, ഫ്രാന്സ് ദേശീയ ടീം പരിശീലക സ്ഥാനം ഏറ്റെടുക്കുന്ന ദിവസം എണ്ണിക്കഴിയുകയായിരുന്നു. എംബാപെ എഴുതിയത് പോലെ സിദാന് ഇപ്പോള് അദ്ദേഹത്തിന്റെ വീട്ടിലെത്തിയിരിക്കുന്നു- ഇനി വീട്ടുകാര്ക്കൊപ്പം ചില സന്തോഷ നിമിഷങ്ങളില് പങ്കാളിയാകണം സിദാന്. മുന്നിലുള്ളത് യുവേഫ നാഷന്സ് ലീഗ്, 2028 യൂറോ കപ്പ്, 2030 ഫിഫ ലോകകപ്പ് എന്നിവയാണ്.
ഏഷ്യാനെറ്റ് ന്യൂസ് ലൈവ് ലിങ്ക്: https://www.youtube.com/live/s0LLVQeMmtU?si=31j3tChnat66QzkK
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!