ആമസോൺ ഗ്രേറ്റ് ഇന്ത്യൻ ഫെസ്റ്റിവൽ 2026: ഐഫോൺ 16, ഐഫോൺ 17ഇ മോഡലുകൾക്ക് വൻ വിലക്കുറവ്; ഓഫറുകൾ അറിയാം

ആമസോണിന്റെ ഗ്രേറ്റ് ഇന്ത്യൻ ഫെസ്റ്റിവൽ 2026 വിൽപ്പനയിൽ ഐഫോൺ 16, ഐഫോൺ 17ഇ മോഡലുകൾക്ക് വമ്പൻ വിലക്കുറവ് പ്രഖ്യാപിച്ചു. ബാങ്ക് ഡിസ്‍കൗണ്ടുകൾ, കൂപ്പണുകൾ, ക്യാഷ്ബാക്ക് എന്നിവ വഴി ഉപഭോക്താക്കൾക്ക് ഈ ഫോണുകൾ വളരെ കുറഞ്ഞ വിലയിൽ സ്വന്തമാക്കാം. പഴയ ഫോൺ മാറ്റാനും പുതിയത് വാങ്ങാനും ആഗ്രഹിക്കുന്നവർക്ക് ഇതൊരു മികച്ച അവസരമാണ്.

ഐഫോൺ വാങ്ങാൻ പദ്ധതിയിടുന്നവർക്ക് മികച്ച അവസരവുമായി ആമസോണിന്റെ ഗ്രേറ്റ് ഇന്ത്യൻ ഫെസ്റ്റിവൽ 2026 വിൽപ്പന. സ്‍മാർട്ട്ഫോണുകൾ ഉൾപ്പെടെയുള്ള ഇലക്ട്രോണിക് ഉൽപ്പന്നങ്ങൾക്ക് വിലക്കുറവ് പ്രഖ്യാപിച്ച വിൽപ്പനയിൽ ഐഫോൺ 16, ഐഫോൺ 17ഇ മോഡലുകൾക്കും ആകർഷകമായ ഓഫറുകളുണ്ട്. ബാങ്ക് ഡിസ്‍കൌണ്ടുകൾ, കൂപ്പണുകൾ, ക്യാഷ്ബാക്ക്, നോ-കോസ്റ്റ് ഇഎംഐ ആനുകൂല്യങ്ങൾ എന്നിവ കൂടി പ്രയോജനപ്പെടുത്തിയാൽ ഫോണുകൾ കൂടുതൽ കുറഞ്ഞ വിലയിൽ സ്വന്തമാക്കാം.

ഐഫോൺ 16 വില 72,249 രൂപ മുതൽ

128 ജിബി സ്റ്റോറേജുള്ള ഐഫോൺ 16 ആമസോണിൽ നിലവിൽ 76,999 രൂപയ്ക്കാണ് ലിസ്റ്റ് ചെയ്തിരിക്കുന്നത്. ഫോണിന്റെ യഥാർഥ വിലയായ 89,900 രൂപയുമായി താരതമ്യം ചെയ്യുമ്പോൾ മികച്ച വിലക്കുറവാണ് ലഭിക്കുന്നത്. ആമസോൺ പ്രൈം അംഗങ്ങൾക്ക് 500 രൂപയുടെ കൂപ്പൺ ഉപയോഗിച്ച് വില 72,249 രൂപയായി കുറയ്ക്കാം.

ബാങ്ക് ഓഫറും ക്യാഷ്ബാക്കും ലഭിക്കും

ഐഫോൺ 16 വാങ്ങുന്നവർക്ക് അധിക പേയ്‌മെന്റ് ആനുകൂല്യങ്ങളും ലഭ്യമാണ്. യോഗ്യരായ എസ്‌ബിഐ ക്രെഡിറ്റ് കാർഡ് ഉപയോക്താക്കൾക്ക് 1,250 രൂപ വരെ ബാങ്ക് ഡിസ്കൗണ്ട് ലഭിക്കും. ആമസോൺ പേ ബാലൻസ് വഴി 3,849 രൂപ വരെ ക്യാഷ്ബാക്ക് നേടാനും അവസരമുണ്ട്. തിരഞ്ഞെടുത്ത ക്രെഡിറ്റ് കാർഡുകൾ ഉപയോഗിച്ച് നോ-കോസ്റ്റ് ഇഎംഐ തിരഞ്ഞെടുക്കുന്നവർക്ക് പലിശയിനത്തിൽ 2,161.81 രൂപ വരെ ലാഭിക്കാം. എന്നാൽ കാർഡ്, പേയ്‌മെന്റ് രീതി, ഉപഭോക്താവിന്റെ യോഗ്യത എന്നിവ അനുസരിച്ച് ആനുകൂല്യങ്ങളിൽ മാറ്റമുണ്ടാകാം.

ഐഫോൺ 17ഇ 70,999 രൂപയ്ക്ക് സ്വന്തമാക്കാം

പുതിയ മോഡൽ വാങ്ങാൻ ആഗ്രഹിക്കുന്നവർക്കായി 256 ജിബി ഐഫോൺ 17ഇയും ഓഫറിൽ ലഭ്യമാണ്. 79,900 രൂപ എംആർപിയുള്ള ഈ ഫോണിന്റെ നിലവിലെ വിൽപ്പനവില 71,999 രൂപയാണ്. 1,000 രൂപയുടെ കൂപ്പൺ കൂടി ഉപയോഗിച്ചാൽ വില 70,999 രൂപയായി കുറയും.

ഐഫോൺ 17ഇയ്ക്കും അധിക ആനുകൂല്യങ്ങൾ

ഐഫോൺ 17ഇ വാങ്ങുന്നവർക്ക് യോഗ്യരായ എസ്‌ബിഐ ക്രെഡിറ്റ് കാർഡുകൾ വഴി 1,250 രൂപ വരെ ബാങ്ക് ഡിസ്കൗണ്ട് ലഭിക്കാം. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോക്താക്കൾക്ക് നോ-കോസ്റ്റ് ഇഎംഐ വഴി പലിശയിനത്തിൽ 1,876.99 രൂപ വരെ ലാഭിക്കാനും സാധിക്കും. ആമസോൺ പേ ബാലൻസ് വഴി 3,599 രൂപ വരെ ക്യാഷ്ബാക്കും ലഭ്യമാണ്.

ഓഫറുകൾ പരിശോധിച്ച ശേഷം വാങ്ങാം

പഴയ ഐഫോണിൽ നിന്ന് പുതിയ മോഡലിലേക്ക് മാറാൻ ആഗ്രഹിക്കുന്നവർക്കും ആദ്യമായി ഐഫോൺ വാങ്ങുന്നവർക്കും ഈ ഓഫറുകൾ പ്രയോജനകരമായേക്കാം. എന്നാൽ ക്യാഷ്ബാക്ക്, ബാങ്ക് ഡിസ്കൗണ്ട്, ഇഎംഐ ആനുകൂല്യങ്ങൾ എന്നിവയ്ക്ക് നിബന്ധനകൾ ബാധകമാണ്. അതിനാൽ ഓർഡർ നൽകുന്നതിന് മുമ്പ് ആമസോണിലെ ഉൽപ്പന്ന പേജിൽ ലഭ്യമായ ഓഫറുകളും അവയുടെ വ്യവസ്ഥകളും പരിശോധിക്കുന്നത് ഉചിതമാണ്.