ഓപ്പോ റെനോ14 പരമ്പരയിലെ സ്‌മാര്‍ട്ട്‌ഫോണുകള്‍ ജൂലൈ മൂന്നിന് പുറത്തിറങ്ങും; ക്യാമറ, ബാറ്ററി, ചിപ് അടക്കമുള്ള വിവരങ്ങള്‍

ഓപ്പോ റെനോ14 പ്രോ, ഓപ്പോ റെനോ14, ഓപ്പോ പാഡ് എസ്ഇ എന്നിവയാണ് പുറത്തിറങ്ങാനിരിക്കുന്നത്

ദില്ലി: ഓപ്പോയുടെ റെനോ14 സ്‌മാര്‍ട്ട്‌ഫോണ്‍ സീരീസ് ജൂലൈ മൂന്നിന് ഇന്ത്യയില്‍ പുറത്തിറക്കും. ഓപ്പോ പാഡ് എസ്ഇയും ഇതിനൊപ്പം വിപണിയിലേക്ക് വരുന്നുണ്ട്. ജൂലൈ 3-ാം തിയതി ഇന്ത്യന്‍ സമയം ഉച്ചയ്ക്ക് 12 മണിക്കാണ് ഓപ്പോയുടെ പുതിയ ഗാഡ്‌ജറ്റുകളുടെ പ്രകാശനം.

ഓപ്പോ റെനോ14 പ്രോ

മീഡിയടെക് ഡൈമന്‍സിറ്റി 8450 ചിപ്‌സെറ്റില്‍ വരുന്ന സ്‌മാര്‍ട്ട്‌ഫോണാണ് ഓപ്പോ റെനോ14 പ്രോ. 12 ജിബി റാമും 512 ജിബി വരെ സ്റ്റോറേജുമാണ് ഈ ഫോണിനുണ്ടാവുക. 120 ഹെര്‍ട്‌സ് റിഫ്രഷ് റേറ്റും 1,200 നിറ്റ്സ് പീക്ക് ബ്രൈറ്റ്‌നസും വരുന്ന 6.83 ഇഞ്ചിന്‍റെ അമോലെഡ് ഡിസ്‌പ്ലെ, 50 എംപിയുടെ ട്രിപ്പിള്‍ റീയര്‍ ക്യാമറകള്‍ (വൈഡ്, അള്‍ട്രാ-വൈഡ്, ടെലിഫോട്ടോ), 50 എംപിയുടെ ഫ്രണ്ട് ക്യാമറ, 6,200 എംഎഎച്ചിന്‍റെ കരുത്തുറ്റ ബാറ്ററി എന്നിവ ഈ സ്‌മാര്‍ട്ട്‌ഫോണിലുണ്ടാവും.

ഓപ്പോ റെനോ14

അതേസമയം സ്റ്റാന്‍ഡേര്‍ഡ് ഓപ്പോ റെനോ14-ല്‍ മീഡിയടെക് ഡൈമന്‍സിറ്റി 8350 ചിപ്‌സെറ്റാണ് പ്രതീക്ഷിക്കുന്നത്. 120 ഹെര്‍ട്സ് റിഫ്രഷ് റേറ്റ് വരുന്ന 6.59 ഇഞ്ച് അമോലെഡ് ഡിസ്‌പ്ലെയും പ്രതീക്ഷിക്കുന്നു. 50 എംപി അള്‍ട്രാ-ആംഗിള്‍ ലെന്‍സ്, 8 എംപി അള്‍ട്രാ വൈഡ്, 50 എംപി ടെലിഫോട്ടോ എന്നിവയാണ് റീയര്‍ ക്യാമറ മൊഡ്യൂളിലുണ്ടാവുക. പ്രോ മോഡലിലെ പോലെ സെല്‍ഫി ക്യാമറ 50 മെഗാപിക്‌സലിന്‍റെത് തന്നെയായിരിക്കും. 80 വാട്സ് സൂപ്പര്‍വോക് ഫാസ്റ്റ് ചാര്‍ജിംഗ് സഹിതമുള്ള 6,000 എംഎഎച്ച് ബാറ്ററിയാണ് ഓപ്പോ റെനോ14യില്‍ ഉള്‍പ്പെടുക. 12 ജിബി + 256 ജിബി, 12 ജിബി + 512 ജിബി എന്നിങ്ങനെ രണ്ട് വേരിയന്‍റുകള്‍ ഓപ്പോ റെനോ14-ല്‍ വരുമെന്നാണ് റിപ്പോര്‍ട്ട്.

ഓപ്പോ റെനോ14 സീരീസിന്‍റെ അവതരണം ജൂലൈ മൂന്നാം തീയതി ഇന്ത്യന്‍ സമയം ഉച്ചയ്ക്ക് 12 മണി മുതല്‍ ഓപ്പോ ഇന്ത്യയുടെ ഔദ്യോഗിക യൂട്യൂബ് ചാനല്‍ വഴി സ്ട്രീം ചെയ്യും. ഫോണുകളുടെ വില നാളെ മാത്രമേ അറിയാനാകൂ.