പുതിയ സാംസങ് ഗ്യാലക്സി സീരീസിന് നോ കോസ്റ്റ് ഇഎംഐയും ആമസോൺ വൗച്ചറും

സാംസങ് ഏറ്റവുമൊടുവില്‍ പുറത്തിറക്കി എ സീരീസില്‍പ്പെട്ട 

ദില്ലി: ഇന്ത്യയിലെ ഏറ്റവും വലിയ കണ്‍സ്യൂമര്‍ ഇലക്ട്രോണിക്‌സ് ബ്രാന്‍ഡ് ആയ സാംസങ് ഏറ്റവും പുതിയ സ്മാര്‍ട്ട്‌ഫോണുകളായ ഗ്യാലക്‌സി എ56 5ജി, ഗ്യാലക്‌സി എ36 5ജി, ഗാലക്‌സി എ26 5ജി എന്നിവ കഴിഞ്ഞ ദിവസം പുറത്തിറക്കിയിരുന്നു. സെക്യൂരിറ്റിക്കും മികച്ച പ്രൈവസി പ്രൊട്ടക്ഷനും പെര്‍ഫോമന്‍സിനും മുന്‍തൂക്കം കൊടുത്തുകൊണ്ട് പുത്തന്‍ ഡിസൈനില്‍ ആണ് ഗാലക്‌സി എ സീരീസുകള്‍ വിപണിയില്‍ എത്തുന്നതെന്ന് കമ്പനി വാർത്താക്കുറിപ്പിൽ അറിയിച്ചു.

സ്പെസിഫിക്കേഷനുകളും ഓഫറുകളും

പ്രൈമറി സ്റ്റോറേജ് അപ്‌ഗ്രേഡ് ഓഫറിന് പുറമേ ഉപയോക്താവിന് സാംസങ് കെയര്‍ പ്ലസ്, ഒരുവര്‍ഷ സ്‌ക്രീന്‍ പ്രൊട്ടക്ഷന്‍ വെറും 999 രൂപയ്ക്ക് ലഭ്യമാകും. ഇതിനു യഥാര്‍ഥ വില 2999 രൂപയാണ്. കൂടാതെ ഗാലക്‌സി എ 56 ജിക്ക് 18 മാസം വരെയും ഗാലക്‌സി എ 36 5ജിക്ക് 16 മാസം വരെയും നോ കോസ്റ്റ് ഇഎംഐ ലഭിക്കും. കൂടാതെ തിരഞ്ഞെടുത്ത സേവനങ്ങള്‍ക്ക് സാംസങ് വാലറ്റ് ഉപയോഗിക്കുമ്പോള്‍ ഉപഭോക്താക്കള്‍ക്ക് 400 രൂപ വരെ ആമസോണ്‍ വൗച്ചറായി നേടാം.

എല്ലാ സാംസങ് ഗാലക്‌സി എ സീരീസ് സ്‌മാർട്ട്‌ഫോണുകളും ആൻഡ്രോയ്‌ഡ് 15 അടിസ്ഥാനമാക്കിയുള്ള വൺ യുഐ 7-ൽ പ്രവർത്തിക്കുന്നു. കൂടാതെ ആറ് വർഷത്തേക്ക് ഒഎസും സുരക്ഷാ അപ്‌ഡേറ്റുകളും ലഭിക്കും. ഗാലക്‌സി എ56 5ജി, ഗാലക്‌സി എ36 5ജി, ഗാലക്‌സി എ26 5ജി എന്നിവയിൽ 120Hz റിഫ്രഷ് റേറ്റുള്ള 6.7 ഇഞ്ച് ഫുൾ-എച്ച്‌ഡി+ സൂപ്പർ അമോലെഡ് സ്‌ക്രീനുകൾ ഉണ്ട്. ഗാലക്‌സി എ56 5ജിയിൽ എക്‌സിനോസ് 1580 ചിപ്‌സെറ്റ് ഉണ്ട്, അതേസമയം വിലകുറഞ്ഞ ഗാലക്‌സി എ26 5ജിയിൽ എക്‌സിനോസ് 1380 SoC ആണ് ഉള്ളത്. ഗാലക്‌സി എ36 5ജിയിൽ സ്‌നാപ്ഡ്രാഗൺ 6 ജെൻ 3 ചിപ്പ് ഉണ്ട്. മൂന്ന് സ്മാർട്ട്‌ഫോണുകൾക്കും 256 ജിബി വരെ സ്റ്റോറേജ് ശേഷിയുണ്ട്. ഈ സ്മാർട്ട്‌ഫോണുകളിൽ ഓട്ടോ ട്രിം, ബെസ്റ്റ് ഫേസ്, എഐ സെലക്ട്, റീഡ് എലൗഡ് തുടങ്ങിയ പുതിയ ഗാലക്‌സി എഐ സവിശേഷതകളും സാംസങ് ഉൾപ്പെടുത്തിയിട്ടുണ്ട്.

ക്യാമറ ഫീച്ചറുകള്‍

മൂന്ന് മോഡലുകളിലും ഒപ്റ്റിക്കൽ ഇമേജ് സ്റ്റെബിലൈസേഷനും f/1.8 അപ്പേർച്ചറും ഉള്ള 50-മെഗാപിക്സൽ പ്രൈമറി ക്യാമറയുണ്ട്. ഗാലക്‌സി എ56 5ജിയിലും ഗാലക്‌സി എ36 5ജിയിലും യഥാക്രമം 12 മെഗാപിക്‌സലും 8 മെഗാപിക്‌സലുമുള്ള അൾട്രാവൈഡ് ക്യാമറകളും 5 മെഗാപിക്‌സൽ മാക്രോ ക്യാമറയും ഉണ്ട്. ഗാലക്‌സി എ26 5ജിയിൽ 8 മെഗാപിക്സൽ അൾട്രാവൈഡ് ക്യാമറയും 2 മെഗാപിക്സൽ മാക്രോ ക്യാമറയുമുണ്ട്. ഗാലക്‌സി എ56 5ജിയിലും ഗാലക്‌സി എ36 5ജിയിലും ഹോൾ-പഞ്ച് ഡിസ്‌പ്ലേ കട്ടൗട്ടിൽ സ്ഥാപിച്ചിരിക്കുന്ന 12 മെഗാപിക്‌സൽ സെൽഫി ക്യാമറയുണ്ട്, അതേസമയം ഗാലക്‌സി എ26 5ജിയിൽ വാട്ടർഡ്രോപ്പ്-സ്റ്റൈൽ ഡിസ്‌പ്ലേ നോച്ചിൽ സ്ഥാപിച്ചിരിക്കുന്ന 13 മെഗാപിക്‌സൽ ക്യാമറയാണുള്ളത്. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം