വൺപ്ലസ് 15R ഇന്ത്യയിൽ ഉടൻ പുറത്തിറക്കും. ലോഞ്ചിന് മുന്നോടിയായി, ഫോണിന്റെ വില, റാം, സ്റ്റോറേജ് കോൺഫിഗറേഷനുകൾ എന്നിവ സംബന്ധിച്ച വിവരങ്ങൾ ഒരു ടിപ്സ്റ്റർ പുറത്തുവിട്ടു. ബാറ്ററി കപ്പാസിറ്റി ഉൾപ്പെടെ ഫോണിന്റെ പ്രധാന ആകർഷണൾ അറിയാം.
ചൈനീസ് സ്മാർട്ട്ഫോൺ നിർമ്മാതാക്കളായ വൺപ്ലസ് പുതിയ വൺപ്ലസ് 15R സ്മാർട്ട്ഫോൺ ഈ ആഴ്ച അവസാനം ഇന്ത്യയിലും മറ്റ് ആഗോള വിപണികളിലും പുറത്തിറക്കാനിരിക്കുകയാണ്. ഏറെ പ്രതീക്ഷയോടെ കാത്തിരിക്കുന്ന ലോഞ്ചിന് മുന്നോടിയായി, വരാനിരിക്കുന്ന ഫോണിന്റെ പ്രധാന സവിശേഷതകൾ, ഡിസൈൻ, നിറങ്ങൾ എന്നിവ കമ്പനി വെളിപ്പെടുത്തിക്കൊണ്ടിരിക്കുകയാണ്. എന്നാൽ, വൺപ്ലസ് 15R ന്റെ ഇന്ത്യയിലെ വിലയും രണ്ട് റാം, സ്റ്റോറേജ് കോൺഫിഗറേഷനുകളുടെ വിശദാംശങ്ങളും പുറത്തുവിട്ടിരിക്കുകയാണ് ഒരു ടിപ്സ്റ്റർ. ഇ-കൊമേഴ്സ് പ്ലാറ്റ്ഫോം വഴിയും കമ്പനിയുടെ വെബ്സൈറ്റ് വഴിയും ഹാൻഡ്സെറ്റ് രാജ്യത്ത് വാങ്ങാമെന്നും അറിയിച്ചിരിക്കുകയാണ്.
X-ലെ ഒരു പോസ്റ്റിലൂടെ ടെക് ബ്ലോഗർ പരാസ് ഗുഗ്ലാനി (@passionategeekz) വരാനിരിക്കുന്ന വൺപ്ലസ് 15R- ന്റെ വിലയും മെമ്മറി കോൺഫിഗറേഷനുകളുമടക്കം വിശദീകരിക്കുന്നുണ്ട്. ഈ ഫോൺ 12GB + 256GB, 12GB + 512GB RAM, സ്റ്റോറേജ് ഓപ്ഷനുകളിൽ വരുമെന്ന് ടിപ്സ്റ്റർ പറയുന്നു. 512GB ബിൽറ്റ്-ഇൻ സ്റ്റോറേജ് ഉള്ള വൺപ്ലസ് 15R-ന്റെ കൂടുതൽ വിലയേറിയ വേരിയന്റിന് ഇന്ത്യയിൽ 52,000 രൂപ വിലവരുമെന്ന് ഗുഗ്ലാനി പറയുന്നു. അതേസമയം, ബേസിക് ആയ 256GB സ്റ്റോറേജ് മോഡലിന് 47,000 മുതൽ 49,000 രൂപ വരെ വില വരുമെന്നും അറിയിക്കുന്നു.
ഇതിനുപുറമെ, തിരഞ്ഞെടുത്ത ബാങ്കുകളുടെ ക്രെഡിറ്റ്, ഡെബിറ്റ് കാർഡുകൾ ഉപയോഗിച്ച് 3,000 രൂപ അല്ലെങ്കിൽ 4,000 രൂപ വരെ കിഴിവുകൾ വൺപ്ലസ് വാഗ്ദാനം ചെയ്തേക്കാമെന്ന് ഏറ്റവും പുതിയ റിപ്പോർട്ടുകൾ പറയുന്നു. റിപ്പോർട്ടുകൾ ശരിയാണെങ്കിൽ, വൺപ്ലസ് 15R അതിന്റെ മുൻഗാമിയായ വൺപ്ലസ് 13R നേക്കാൾ വളരെ ഉയർന്ന വിലയ്ക്ക് ലോഞ്ച് ചെയ്യും. വൺപ്ലസ് 13R ബേസിക് 12GB RAM + 256GB സ്റ്റോറേജ് വേരിയന്റിന് 42,999 രൂപയ്ക്കും ഉയർന്ന 16GB RAM + 512GB സ്റ്റോറേജ് മോഡലിന് 49,999 രൂപയ്ക്കും ആണ് ഇന്ത്യയിൽ അവതരിപ്പിച്ചത്.
Related Articles
അടുത്തിടെ ചൈനയിൽ അവതരിപ്പിച്ച വൺപ്ലസ് ഏയിസ് 6T യുടെ റീബ്രാൻഡഡ് പതിപ്പാണ് വൺപ്ലസ് 15R എന്നും റിപ്പോർട്ടുകൾ ഉണ്ട്. ചുരുക്കത്തിൽ, 12GB RAM + 256GB സ്റ്റോറേജുള്ള ബേസിക് വേരിയന്റിന് CNY 2,599 (ഏകദേശം 33,000 രൂപ) പ്രാരംഭ വിലയിലാണ് ഏയിസ് 6T ലോഞ്ച് ചെയ്തത്. എങ്കിലും 16GB RAM + 1TB സ്റ്റോറേജ് ഓപ്ഷന്റെ ഉയർന്ന വില അരങ്ങേറ്റ സമയത്ത് 3,699 സിഎൻവൈ (ഏകദേശം 47,000 രൂപ) ആയിരുന്നു. ഡിസംബർ 17 ന് ഇന്ത്യയിൽ ലോഞ്ച് ചെയ്യാൻ തീരുമാനിച്ചിരിക്കുന്ന വൺപ്ലസ് 15R, ആമസോണിലൂടെയും വൺപ്ലസ് ഇന്ത്യ ഓൺലൈൻ സ്റ്റോറിലൂടെയും ചാർക്കോൾ ബ്ലാക്ക്, മിന്റ് ഗ്രീൻ, ഇലക്ട്രിക് വയലറ്റ് നിറങ്ങളിൽ ലഭ്യമാകുമെന്ന് പ്രതീക്ഷിക്കാം.
ക്വാൽകോമിന്റെ ഒക്ടാ കോർ 3 എൻഎം സ്നാപ്ഡ്രാഗൺ 8 ജെൻ 5 ചിപ്സെറ്റാണ് വൺപ്ലസ് 15R-ന് കരുത്ത് പകരുന്നതെന്ന് സ്ഥിരീകരിച്ചു. പുതിയ G2 വൈ-ഫൈ ചിപ്പ്, ടച്ച് റെസ്പോൺസ് ചിപ്പ് എന്നിവയുമായി SoC ജോടിയാക്കും. 7,400mAh ബാറ്ററിയും ഈ ഹാൻഡ്സെറ്റിൽ ഉണ്ടായിരിക്കും. ഫോണിന് പിന്നിൽ ഓട്ടോഫോക്കസ് ശേഷിയുള്ള 32 മെഗാപിക്സൽ സെൻസർ ഉണ്ടായിരിക്കുമെന്ന് അടുത്തിടെ വൺപ്ലസ് പ്രഖ്യാപിച്ചിരുന്നു. ഇത് ഡ്യുവൽ റിയർ ക്യാമറ യൂണിറ്റിനുള്ളിൽ സ്ഥാപിക്കും എന്നാണ് റിപ്പോർട്ടുകൾ.
