200 എംപി ക്യാമറ, 90 വാട്സ് ചാര്ജര്; മിഡ്-റേഞ്ച് സ്മാര്ട്ട്ഫോണുകളില് വിസ്മയിപ്പിക്കാന് വിവോ വി60ഇ 5ജി, വിലയറിയാം
Synopsis
മിഡ്-റേഞ്ച് സ്മാര്ട്ട്ഫോണായ വിവോ വി60ഇ 5ജി ഇന്ത്യയില് അവതരിപ്പിച്ചു. 200 എംപി ക്യാമറ, 6500 എംഎഎച്ച് ബാറ്ററി, 90 വാട്സ് ഫാസ്റ്റ് ചാര്ജര് അടക്കമുള്ള സവിശേഷതകളോടെയാണ് വിവോയുടെ പുത്തന് ഫോണിന്റെ വരവ്.
ദില്ലി: വിവോ 200 എംപി ക്യാമറയും 90 വാട്സ് ചാര്ജറും സഹിതം ശക്തമായ ഫീച്ചറുകളോടെ പുത്തന് മിഡ്-റേഞ്ച് സ്മാര്ട്ട്ഫോണ് ഇന്ത്യയില് പുറത്തിറക്കി. വിവോയുടെ വി സീരീസിലേക്ക് എത്തിയിരിക്കുന്ന ഈ പുത്തന് ഫോണിന്റെ പേര് വിവോ വി60ഇ 5ജി എന്നാണ്. 29000 രൂപയിലാണ് ഈ ഫോണിന്റെ വില തുടങ്ങുന്നത്. ജലത്തിലും പൊടിയിലും നിന്നുമുള്ള സുരക്ഷയ്ക്ക് ഐപി68, ഐപി69 റേറ്റിംഗാണ് വിവോ വി60ഇ സ്മാര്ട്ട്ഫോണിന് ലഭിച്ചിരിക്കുന്നത്.
വിവോ വി60ഇ: സവിശേഷതകള്
മീഡിയടെക് ഡൈമന്സിറ്റി 7360 ടര്ബോ പ്രൊസസറിലുള്ള സ്മാര്ട്ട്ഫോണാണ് വിവോ വി60ഇ (Vivo V60e 5G). അനവധി എഐ അധിഷ്ഠിത ടൂളുകള് സഹിതമുള്ള 200 എംപി പ്രധാന ക്യാമറയാണ് വിവോ വി60ഇ 5ജി സ്മാര്ട്ട്ഫോണിന്റെ പ്രത്യേകത. 30x ഡിജിറ്റല് സൂം വരെ ഓറ ലൈറ്റ് പിന്തുണ, ഓട്ടോഫോക്കസും 90-ഡിഗ്രി വൈഡ് ഫീല്ഡ് ഓഫ് വ്യൂവും സഹിതം 50 എംപിയുടെ സെല്ഫി ക്യാമറ, ഫ്രണ്ട്, റിയര് ക്യാമറകളില് 4കെ വീഡിയോ റെക്കോര്ഡിംഗ്, 120 ഹെര്ട്സ് റിഫ്രഷ് റേറ്റ് സഹിതം 6.77 ഇഞ്ച് ക്വാഡ്-കര്വ്ഡ് അമോലെഡ് ഡിസ്പ്ലെ, 1600 നിറ്റ്സ് പീക്ക് ബ്രൈറ്റ്നസ്, 7.49 എംഎം കട്ടി, 12 ജിബി വരെ റാം, 256 ജിബി വരെ ഇന്റേണല് സ്റ്റോറേജ്, വണ്ടച്ച് ഒഎസ്15, മൂന്ന് വര്ഷം ആന്ഡ്രോയ്ഡ് അപ്ഡേറ്റ്, അഞ്ച് വര്ഷം സുരക്ഷാ അപ്ഡേറ്റ്, ഗൂഗിള് ജെമിനി അസിസ്റ്റന്റ്, 6500 എംഎഎച്ച് ബാറ്ററി, 90 വാട്സ് ഫാസ്റ്റ് ചാര്ജിംഗ്, 27 മിനിറ്റ് കൊണ്ട് 50 ശതമാനം ചാര്ജിംഗ് എന്നിവ വിവോ വി60ഇ ഫോണിന്റെ പ്രത്യേകതകളാണ്.
എലൈറ്റ് പര്പ്പിള്, നോബിള് ഗോള്ഡ് എന്നീ രണ്ട് നിറങ്ങളിലാണ് വിവോ വി60ഇ ഫോണ് ഇന്ത്യയില് എത്തിച്ചിരിക്കുന്നത്. ഒക്ടോബര് ഏഴ് മുതല് വിവോ വി60ഇ 5ജി പ്രീ-ബുക്കിംഗിന് ലഭ്യമാകും. കമ്പനിയുടെ ഔദ്യോഗിക വെബ്സൈറ്റും, തിരഞ്ഞെടുക്കപ്പെട്ട റീടെയ്ല് ഔട്ട്ലറ്റുകളും ഫ്ലിപ്കാര്ട്ട്, ആമസോണ് എന്നീ ഇ-കൊമേഴ്സ് വെബ്സൈറ്റുകളും വഴി വിവോ വി60ഇ ഹാന്ഡ്സെറ്റ് ഒക്ടോബര് 10 മുതല് ലഭ്യമാകും.
വിവോ വി60ഇ 5ജി വേരിയന്റുകളും വിലയും
8 ജിബി റാം + 128 ജിബി സ്റ്റോറേജ്: 29,999 രൂപ
8 ജിബി റാം + 256 ജിബി സ്റ്റോറേജ്: 31,999 രൂപ
12 ജിബി റാം + 256 ജിബി സ്റ്റോറേജ്: 33,999 രൂപ
വിവോ വി60ഇ 5ജി സ്മാര്ട്ട്ഫോണിന്റെ വില്പന ആരംഭത്തില് എച്ച്ഡിഎഫ്സി, ഐസിഐസിഐ, ആക്സിസ് ബാങ്ക് (ആമസോണ്), എസ്ബിഐ ക്രഡിറ്റ് കാര്ഡ് വഴി 10 ശതമാനം ഇന്സ്റ്റന്റ് ഡിസ്കൗണ്ട് ലഭിക്കും. 10 ശതമാനം വരെ എക്സ്ചേഞ്ച് സൗകര്യവുമുണ്ട്. ആറ് മാസം വരെ നോ-കോസ്റ്റ് ഇഎംഐ, ഒരു വര്ഷം അധിക വാറണ്ടി എന്നിവയും ലഭിക്കും.