ബിഗ് ബോസ്; തമ്മില് കൊത്തിക്കീറി 'വാ പൂട്ടിയ' സമാധാനത്തിന്റെ വെള്ളരിപ്രാവുകള്
First Published Mar 6, 2020, 11:27 AM IST
ബിഗ് ബോസ് വീട്ടില് എന്തും ഏത് ലെവല്വരെയും പോകാമെന്ന് പറയുമ്പോഴും സാമൂഹികമായ അതിര്വരമ്പുകള്ക്കകത്ത് നിന്നുകൊണ്ടുള്ള പ്രതികരണത്തിന് മാത്രമേ ബിഗ് ബോസില് ഇടമൊള്ളൂ. എന്നാല് ടാസ്കുകളും പോയന്റുകളും നേടുകയെന്ന മത്സരബുദ്ധിയോടൊപ്പം ശക്തമായ രണ്ട് ഗ്രൂപ്പുകളായി ബിഗ് ബോസ് ഹൗസ് വിഭജിക്കപ്പെട്ടതും മത്സരാര്ത്ഥികളുടെ പ്രതികരണങ്ങളെ വേറെ ലെവലിലേക്ക് കൊണ്ട് പോയി. പലരും ശാരീരികമായ ഉപദ്രവങ്ങളിലേക്ക് കടക്കുമെന്ന് വരെ കാഴ്ചക്കാര്ക്ക് തോന്നി. ചിലര് പ്രകോപിതരാകുമ്പോള് മറ്റ് ചിലര് പ്രകോപിപ്പിക്കാനുള്ള ശ്രമങ്ങള് തുടര്ന്നു, കളി കൈവിട്ട് പോകുമെന്ന ഘട്ടത്തില് ബിഗ് ബോസ് കളിക്കളത്തിലിടപെട്ടു. മത്സരാര്ത്ഥികള്ക്ക് ശിക്ഷയും വിധിച്ചു.
ഒരു പക്ഷേ ബിഗ് ബോസ് പോലുള്ളൊരു മത്സരത്തിലെ ഏറ്റവും കടുത്ത ശിക്ഷ തന്നെയായിരുന്നു എല്ലാ മത്സരാര്ത്ഥികളും ഏറ്റുവാങ്ങേണ്ടിവന്നത്. നിശബ്ദരാകുക. ഒരു റിയാലിറ്റി ഷോയുടെയിടയില് മത്സരാര്ത്ഥികളെ നിശബ്ദരാക്കി മത്സരം മുന്നോട്ട് കൊണ്ടുപോവുകയെന്ന കടുത്ത നിലപാടിലേക്ക് ബിഗ് ബോസിനെ പ്രയരിപ്പിച്ചത് മത്സരാര്ത്ഥികളുടെ കടുത്ത ഗ്രൂപ്പിസം തന്നെയായിരുന്നു. വ്യക്തിപരമായി കളിക്കേണ്ടിടത്ത് സംഘം ചേര്ന്ന് അക്രമിക്കുകയെന്ന സാമൂഹികജീവിയായ മനുഷ്യന്റെ ജൈവിക വാസനതന്നെയായിരുന്നു അത്. കാണാം ആ അങ്കം വെട്ട്.