2026 ജനുവരിയിൽ ഒരു ലക്ഷത്തിലധികം യൂണിറ്റുകൾ വിറ്റഴിച്ച് സുസുക്കി മോട്ടോർസൈക്കിൾ ഇന്ത്യ, റോയൽ എൻഫീൽഡിനെയും യമഹയെയും പിന്തള്ളി രാജ്യത്തെ അഞ്ചാമത്തെ വലിയ നിർമ്മാതാക്കളായി മാറി.
സുസുക്കി മോട്ടോർസൈക്കിൾ ഇന്ത്യ 2026 ജനുവരിയിൽ ആഭ്യന്തര വിപണിയിൽ ഒരു ലക്ഷത്തിൽ അധികം യൂണിറ്റുകൾ വിറ്റഴിച്ച് രാജ്യത്തെ മൊത്തം നിർമാതാക്കളിൽ അഞ്ചാം സ്ഥാനത്തെത്തി. റോയൽ എൻഫീൽഡ്, യമഹ മോട്ടോർ കമ്പനി എന്നിവയെ പിന്തള്ളി മുന്നേറാൻ സുസുക്കിക്ക് സാധിച്ചു. കഴിഞ്ഞ വർഷം ഇതേ കാലയളവിലെ 87,834 യൂണിറ്റുകളുമായി താരതമ്യം ചെയ്യുമ്പോൾ 14.2 ശതമാനം വാർഷിക വളർച്ചയാണ് കമ്പനി രേഖപ്പെടുത്തിയത്. വിപണി വിഹിതം 5.21 ശതമാനമായി ഉയർന്നു.
28
സുസുക്കി ആക്സസ് 125
സുസുക്കി ആക്സസ് 125 വീണ്ടും സുസുക്കിയുടെ പ്രധാന വിൽപ്പനാ മോഡൽ ആയി. ജനുവരിയിൽ 69,042 യൂണിറ്റുകളാണ് വിറ്റത്. കഴിഞ്ഞ വർഷത്തേക്കാൾ 26 ശതമാനം വർധനവാണ് ഇത്. ഡിസംബർ മാസത്തേക്കാൾ ചെറിയ ഇടിവ് ഉണ്ടായെങ്കിലും വാർഷിക വളർച്ച ശക്തമായി തുടരുന്നു.
38
ബർഗ്മാൻ സ്ട്രീറ്റ്: പ്രീമിയം സ്കൂട്ടറിന്റെ ആകർഷണം
സുസുക്കി ബർഗ്മാൻ സ്ട്രീറ്റ് സീരീസ് 23,474 യൂണിറ്റുകളുമായി രണ്ടാമതെത്തി. വാർഷികമായി 8 ശതമാനം ഇടിവുണ്ടായെങ്കിലും മാസാന്തര വളർച്ച പോസിറ്റീവായിരുന്നു. സാധാരണ സ്കൂട്ടറുകളിൽ നിന്ന് വ്യത്യസ്തമായ മാക്സി-സ്കൂട്ടർ സ്റ്റൈൽ ഉപഭോക്താക്കളെ ആകർഷിക്കുന്നുണ്ട്.
സുസുക്കി അവനിസ് 125 5,068 യൂണിറ്റുകൾ വിറ്റഴിച്ചു. ഡിസംബറിനെ അപേക്ഷിച്ച് 25 ശതമാനം വളർച്ച ഉണ്ടായെങ്കിലും കഴിഞ്ഞ വർഷത്തേക്കാൾ 6 ശതമാനം കുറവാണ് രേഖപ്പെടുത്തിയിരിക്കുന്നത്.
58
മോട്ടോർസൈക്കിൾ വിഭാഗത്തിൽ മിതമായ നേട്ടം
സുസുക്കി ജിക്സർ 1,211 യൂണിറ്റുകൾ വിറ്റു. വാർഷികമായി 26 ശതമാനം ഇടിവുണ്ടെങ്കിലും മാസവിൽപ്പന കണക്കുകൾ മെച്ചപ്പെട്ടിട്ടുണ്ട്. മോട്ടോർസൈക്കിൾ വിഭാഗം ഇപ്പോഴും ചെറിയ വോളിയത്തിലാണ്.
68
അഡ്വഞ്ചർ സെഗ്മെന്റിലെ താൽപ്പര്യം
സുസുക്കി വി സ്ട്രോം SX 688 യൂണിറ്റുകൾ വിതരണം ചെയ്തു. 250 സിസി അഡ്വഞ്ചർ ടൂറർ വിഭാഗത്തിൽ സ്ഥിരമായ ആവശ്യകതയുണ്ടെന്ന് ഇത് സൂചിപ്പിക്കുന്നു. വാർഷിക വളർച്ച ആരോഗ്യകരമായ നിലയിലാണ്.
78
ഇ-ആക്സസും ഓഫറുകളും
പുതുതായി അവതരിപ്പിച്ച സുസുക്കി ഇ - ആക്സസ് 703 യൂണിറ്റുകൾ രജിസ്റ്റർ ചെയ്തു. രാജ്യത്തുടനീളം ഏകദേശം 20,000 രൂപയുടെ ആനുകൂല്യങ്ങൾ ലഭ്യമാക്കുന്നതിലൂടെ ഉപഭോക്തൃ ആകർഷണം വർധിപ്പിക്കാൻ കമ്പനി ശ്രമിക്കുന്നു.
88
പ്രീമിയം മോഡലുകൾക്ക് കുറഞ്ഞ വിൽപ്പന
സുസുക്കി ഹയബൂസ 52 യൂണിറ്റുകൾ വിറ്റു. വാർഷികമായി കുറവുണ്ടെങ്കിലും ഡിസംബറിനെ അപേക്ഷിച്ച് മെച്ചപ്പെട്ട നിലയിലാണ്. സുസുക്കി ജിക്സർ 250, സുസുക്കി വി സ്ട്രോം 800 DE എന്നിവ കുറഞ്ഞ വിൽപ്പന രേഖപ്പെടുത്തി. സുസുക്കി GSX-8R, Sസുസുക്കി കാറ്റാന എന്നിവക്ക് ജനുവരിയിൽ വിൽപ്പന ലഭിച്ചില്ല.
