'പൊറോട്ടയല്ല ബദല്‍ പോരാട്ടമാണ്...'; ഇന്ത്യ-ദക്ഷിണാഫ്രിക്ക, നനഞ്ഞ പടക്കം പോലൊരു ക്രിക്കറ്റ് കളി, ട്രോള്‍ കാണാം
First Published Sep 29, 2022, 2:07 PM ISTകാര്യവട്ടം ഗ്രീൻഫീൽഡ് സ്റ്റേഡിയത്തില്‍ ഇന്ത്യ - ദക്ഷിണാഫ്രിക്ക ടി 20 കളിക്ക് മുമ്പ് പിച്ച് നിര്‍മ്മിച്ച ക്യൂറേറ്റര്‍ ബിജു എ എം പറഞ്ഞത് 180 ന് മുകളില്‍ റണ്‍സ് പിറക്കാന്‍ സാധ്യതയുള്ള പിച്ചെന്നായിരുന്നു. എന്നാല്‍, ആദ്യം ബാറ്റ് ചെയ്ത ദക്ഷിണാഫ്രിക്കയും രണ്ടാമത് ബാറ്റിങ്ങിനിറങ്ങിയ ഇന്ത്യയുടെയും ആദ്യ നിര ബാറ്റ്സ്മാന്‍മാരൊക്കെ പിച്ചില്‍ കിടന്ന് അക്ഷരാര്‍ത്ഥത്തില്‍ വെള്ളം കുടിക്കുകയായിരുന്നു. ലോകോത്തര ബാറ്റ്സ്മാന്മാരെന്ന് പേരെടുത്ത ഇന്ത്യയുടെ മുന്‍ നായകന്‍ കോലിയും ഇപ്പോഴത്തെ നായകന്‍ രോഹിത് ശര്‍മ്മയും വന്നത് പോലെ പോയി. ദക്ഷിണാഫ്രിക്കയുടെ സ്ഥിതി അതിലും കഷ്ടമായിരുന്നു നാല് പേരാണ് സംപൂജ്യരായി കൂടാരം കേറിയത്. മൂന്ന് പേര്‍ക്ക് പത്തില്‍ താഴെ റണ്ണും. രണ്ടക്കം കടന്നത് ആകെ മൂന്ന് പേര്. അപ്പോ നേരത്തെ പറഞ്ഞ ആ 180 റണ്‍ എവിടെ പോയെന്നാണ് ട്രോളന്മാരുടെ ചോദ്യം. കാണാം ഇന്ത്യ -ദക്ഷിണാഫ്രിക്ക ടി 20 ട്രോളുകള്‍.