'പറ്റില്ലെങ്കി കുറ്റിക്കടിച്ച് ഇറങ്ങിപോണം ഹേ'; പൂജാരയുടെ ഇഴച്ചിലില് ഉമേഷ് യാദവ് കലിപ്പിലാണ്- ട്രോളുകള്
ഓസ്ട്രേലിയക്കെതിരായ ആദ്യ ടെസ്റ്റില് പതിഞ്ഞ തുടക്കമായിരുന്നു ഇന്ത്യക്ക്. അഡ്ലെയ്ഡില് നടക്കുന്ന പകല്- രാത്രി ടെസ്റ്റില് ഒടുവില് വിവരം ലഭിക്കുമ്പോള് 71 ഓവറില് മൂന്നിന് 158 എന്ന നിലയിലാണ്. അജിന്ക്യ രഹാനെ (22), വിരാട് കോലി (66) എന്നിവരാണ് ക്രീസില്. ടോസ് നേടി ബാറ്റിങ് തിരഞ്ഞെടുത്ത ഇന്ത്യക്ക് പൃഥ്വി ഷാ (0), മായങ്ക് അഗര്വാള് (17), ചേതേശ്വര് പൂജാര (43) എന്നിവരുടെ വിക്കറ്റുകളാണ് നഷ്ടമായത്. പൂജാരയുടെ ഇന്നിങ്സ് തന്നെയായിരുന്നു പിങ്ക് പന്ത് ടെസ്റ്റിലെ ആദ്യ ദിവസത്തെ പ്രത്യേകത. ടെസ്റ്റ് സ്പെഷ്യലിസ്റ്റായ അദ്ദേഹം സാഹചര്യം അറിഞ്ഞ് കളിച്ചു. ഒന്നാം വിക്കറ്റിന് ശേഷം ക്രീസിലെത്തിയ പൂജാര 160 പന്തുകളില് നിന്ന് 43 റണ്സാണ് നേടിയത്. നേരിട്ട 147ാം പന്തിലാണ് പൂജാര ആദ്യ ബൗണ്ടറി തന്നെ നേടിയത്. ഇതില് നിന്ന് മനസിലാക്കാം എത്രത്തോളം പതിയെയാണ് അദ്ദേഹം കളിച്ചതെന്ന്. കേവലം രണ്ട് ബൗണ്ടറികള് മാത്രം നിറഞ്ഞതായിരുന്നു പൂജാരയുടെ ഇന്നിങ്സ്. പിങ്ക് പന്ത് ആയതുകൊണ്ടുതന്നെ അഡ്ലെയ്ഡില് കളിക്കുക ബുദ്ധിമുട്ടായിരുന്നു. മാത്രമല്ല നേരത്തെ രണ്ട് വിക്കറ്റുകള് ഇന്ത്യക്ക് നഷ്ടമാവുകയും ചെയ്തു. അതുകൊണ്ടുതന്നെയായിരിക്കാം പൂജാര ശ്രദ്ധയോടെ ബാറ്റുവീശിയത്. എന്തായാലും ട്രോളര്മാര് അടങ്ങിയിരുന്നില്ല. താരത്തിനെതിരെ ട്രോളുകള് നിറഞ്ഞു. വിവിധ ഫേസ്ബുക്ക് ഗ്രൂപ്പുകളില് വന്ന ചില ട്രോളുകള് കാണാം...
128
Troll Credit: Raachu Razz
Troll Credit: Raachu Razz
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
click me!