T20 World Cup | കലാശപ്പോരില്‍ മാറ്റമുറപ്പ്; ഓസീസിനെതിരായ കിവീസ് സാധ്യതാ ഇലവന്‍
First Published Nov 13, 2021, 3:49 PM ISTദുബായ്: പരീക്ഷണങ്ങള്‍ക്ക് സ്ഥാനമില്ല, ഏറ്റവും മികച്ച പ്ലേയിംഗ് ഇലവനെ മൈതാനത്തിറക്കുക. ടി20 ലോകകപ്പില്‍(T20 World Cup 2021) ന്യൂസിലന്‍ഡ്-ഓസ്‌ട്രേലിയ കലാശപ്പോരിന്(New Zealand vs Australia Final) മുമ്പ് ഇരു ടീമുകളും ചിന്തിക്കുന്നത് ഇതായിരിക്കും. കലാശപ്പോരിന് മുമ്പേ പരിക്കിന്‍റെ തിരിച്ചടി നേരിട്ട കിവികള്‍ക്ക് പ്ലേയിംഗ് ഇലവനില്‍ മാറ്റം വരുത്താതെ മാര്‍ഗമില്ല. ടി20യില്‍ ആദ്യ ഫൈനല്‍ കളിക്കുന്നതിന്‍റെ നേരിയ ആശങ്കയും ടീമിനുണ്ടായേക്കാം. അതേസമയം ടി20 ലോകകപ്പില്‍ അവസാനമായി മുഖാമുഖം വന്ന 2016ല്‍ ജയിക്കാനായത് കിവികള്‍ക്ക് ആശ്വാസമാണ്. പരിക്കേറ്റ ഡേവോൺ കോൺവെയ്ക്ക്(Devon Conway) പകരം ടിം സീഫെർട്ടാകും( Tim Seifert) കലാശപ്പോരില്‍ പാഡണിയുക. ഓസ്‌ട്രേലിയക്കെതിരെ ന്യൂസിലന്‍ഡിന്‍റെ സാധ്യതാ ഇലവന്‍ പരിശോധിക്കാം.