ജന്മദിനത്തിൽ ട്രോളന്മാരുടെ ധോണിയാഘോഷം
First Published Jul 7, 2020, 4:08 PM ISTമുന് ഇന്ത്യന് ക്രിക്കറ്റ് ടീം ക്യാപ്റ്റനും വിക്കറ്റ് കീപ്പര് ബാറ്റ്സ്മാനുമായ മഹേന്ദ്രസിങ്ങ് ധോണിക്കിന്ന് 39 വയസ് തികഞ്ഞു. ക്രിക്കറ്റില് നിന്ന് ഒരു വര്ഷകാലം വിട്ടുനിന്നിട്ടും ധോണിയോടുള്ള ആരാധനയില് കുറവൊന്നും വന്നിട്ടില്ലെന്ന് തെളിയിക്കുന്നതാണ് ട്രോളിലൂടെയും അല്ലാതെയുമുള്ള ആരാധകരുടെ സാമൂഹ്യ മാധ്യമങ്ങളിലെ പോസ്റ്റുകൾ. ഐസിസിയുടെ എല്ലാ കിരീടങ്ങളും നേടിയ ഒരേയൊരു ക്യാപ്റ്റനാണ് എം എസ് ധോണി. 2007 പ്രഥമ ടി20 ലോകകപ്പ് കിരീടം സ്വന്തമാക്കി. നാല് വര്ഷങ്ങള്ക്ക് ശേഷം ഏകദിന ലോകകപ്പ്. 2013ല് ചാംപ്യന്സ് ട്രോഫിയും ധോണിക്ക് കീഴില് ഇന്ത്യ നേടി.
മുന് ഇതിഹാസ നായകന് കപില് ദേവിനു ശേഷം ഇന്ത്യന് സൈന്യത്തില് ലഫ്റ്റനന്റ് കേണല് പദവിക്ക് അര്ഹനായ ആദ്യത്തെ ക്രിക്കറ്റര് കൂടിയാണ് ധോണി. ധോണി സൈനിക ക്യാംപുകളില് സന്ദര്ശനം നടത്താറുണ്ട്. 2011ലാണ് ധോണിയെ തേടി ഈ പദവിയെത്തിയത്. കാണാം ചില രസകരമായ ജന്മദിന ധോണി ട്രോളുകൾ.