ഏഴ് മാസം, 3600 കിലോമീറ്റര്‍, ഇന്ത്യയെ അറിയാന്‍ വിദേശി നടത്തിയ കാല്‍നടയാത്ര; കാണാം ചിത്രങ്ങള്‍
First Published Sep 10, 2020, 3:46 PM ISTവിദേശികളെ എല്ലാക്കാലവും മോഹിപ്പിച്ചിട്ടുള്ള സ്വപ്‍നഭൂമിയാണ് ഇന്ത്യ. കാടും, പുഴകളും, മഞ്ഞുമൂടിയ പർവതങ്ങളും എല്ലാം ആരെയും വിസ്‍മയിപ്പിക്കുന്നതാണ്. അതുകൊണ്ട് തന്നെയാണ് ഇന്ത്യയെ സഞ്ചാരിയുടെ പറുദീസ എന്ന് വിളിക്കുന്നതും. എസ്റ്റോണിയയിൽ നിന്നുള്ള 27 -കാരനായ മാർക്കിനും ഇന്ത്യയോട് അഗാധമായ പ്രണയം തോന്നി. പിന്നെ രണ്ടാമതൊന്ന് ആലോചിക്കാതെ മാര്‍ക്കിന്‍ ഇന്ത്യയിലെത്തി. എന്നാൽ, ഇന്ത്യയിലെത്തിയ അദ്ദേഹം യാത്രക്കിടയിൽ ഒരിക്കൽ പോലും കാറോ, ബസ്സോ, എന്തിന് ഒരു സൈക്കിൾ പോലും ഉപയോഗിച്ചില്ല. പിന്നെ എങ്ങനെയാണ് സഞ്ചരിച്ചത് എന്നല്ലേ? എല്ലായ്പോഴും നടന്നുകൊണ്ടാണ് മാര്‍ക്കിന്‍ ഇന്ത്യയുടെ മണ്ണിൽ യാത്ര ചെയ്‍തത്. മൊത്തം ഏഴ് മാസമെടുത്താണ് അദ്ദേഹം 3,600 കിലോമീറ്ററിലധികം സഞ്ചരിച്ചത്. ഈ വിദേശിയുടെ അവിശ്വസനീയമായ യാത്ര ഇപ്പോൾ സാമൂഹ്യമാധ്യമങ്ങളിൽ വാർത്തയാണ്.