ചൈനീസ് റിലീസില് പ്രതീക്ഷയര്പ്പിച്ച് നോളന്റെ 'ടെനറ്റ്'; യുഎസ് റിലീസിനു മുന്പേ 70 രാജ്യങ്ങളില്
കൊവിഡിനെത്തുടര്ന്ന് നീട്ടിവെക്കപ്പെട്ട ഇന്റര്നാഷണല് റിലീസുകളില് ഏറ്റവും പ്രധാനപ്പെട്ട ചിത്രമാണ് ക്രിസ്റ്റഫര് നോളന്റെ 'ടെനറ്റ്'. മഹാമാരിയുടെ മാറിവരുന്ന സാഹചര്യമനുസരിച്ച് നിര്മ്മാതാക്കളായ വാര്ണര് ബ്രദേഴ്സ് പല തവണ റിലീസ് ഡേറ്റുകള് പറഞ്ഞു. പക്ഷേ ഒക്കെയും മാറ്റേണ്ടിവന്നു. ഇപ്പോഴിതാ നോര്ത്ത് അമേരിക്കന് റിലീസിനു മുന്പ് 70 രാജ്യങ്ങളില് റിലീസ് ചെയ്യാനിരിക്കുകയാണ് ചിത്രം. ഓഗസ്റ്റ് 26 മുതലുള്ള ദിവസങ്ങളിലാണ് റിലീസ്. ഈ 70 രാജ്യങ്ങളുടെ കൂട്ടത്തില് ഇന്ത്യയുണ്ടാവില്ല.
ലോകമെങ്ങും ആരാധകരുള്ള സംവിധായകനാണ് നോളനെങ്കിലും അമേരിക്കയിലെ ആഭ്യന്തര വിപണി കഴിഞ്ഞാല് ചൈനീസ് മാര്ക്കറ്റിലേക്കാണ് നിര്മ്മാതാക്കള് ഉറ്റുനോക്കിയിരുന്നത്. ചൈനയിലെ തീയേറ്റര് വ്യവസായത്തിന്റെ വലുപ്പവും നോളന്റെ മുന് ചിത്രങ്ങള് അവിടെനിന്നു നേടിയ വന് വരുമാനവുമൊക്കെത്തന്നെ കാരണം. അതേതായാലും ചൈനീസ് റിലീസിനുള്ള കടമ്പകള് തങ്ങള് കടന്നെന്നും റിലീസിനുള്ള സര്ക്കാര് അനുമതി ലഭിച്ചെന്നും നിര്മ്മാതാക്കള് കഴിഞ്ഞ ദിവസം അറിയിച്ചിരുന്നു.
ലോകമെങ്ങും ആരാധകരുള്ള സംവിധായകനാണ് നോളനെങ്കിലും അമേരിക്കയിലെ ആഭ്യന്തര വിപണി കഴിഞ്ഞാല് ചൈനീസ് മാര്ക്കറ്റിലേക്കാണ് നിര്മ്മാതാക്കള് ഉറ്റുനോക്കിയിരുന്നത്. ചൈനയിലെ തീയേറ്റര് വ്യവസായത്തിന്റെ വലുപ്പവും നോളന്റെ മുന് ചിത്രങ്ങള് അവിടെനിന്നു നേടിയ വന് വരുമാനവുമൊക്കെത്തന്നെ കാരണം. അതേതായാലും ചൈനീസ് റിലീസിനുള്ള കടമ്പകള് തങ്ങള് കടന്നെന്നും റിലീസിനുള്ള സര്ക്കാര് അനുമതി ലഭിച്ചെന്നും നിര്മ്മാതാക്കള് കഴിഞ്ഞ ദിവസം അറിയിച്ചിരുന്നു.