മോഹൻലാല് വെറുതെയങ്ങ് സൂപ്പര് താരമായത് അല്ല!
മലയാളത്തിന്റെ എക്കാലത്തെയും സൂപ്പര് താരമാണ് മോഹൻലാല്. മലയാളത്തിന്റെ ലാലേട്ടനായി മാറിയതില് പിന്നില് ഒരുപാട് വിജയഗാഥകളുണ്ട്. വില്ലനായി തുടക്കം. സഹനടനായി മുന്നേറ്റം. അങ്ങനങ്ങ് സൂപ്പര് താരമായുള്ള വളര്ച്ച. ആ വഴിയില് മോഹൻലാലിന്റെ വിജയത്തിന്റെ വേഗതയ്ക്ക് കാരണം ആക്ഷൻ സിനിമകളാണ്. ചമ്മിയും വിതുമ്പിയും മോഹൻലാല് ഇഷ്ടം സ്വന്തമാക്കിയപ്പോള് ആരാധക്കൂട്ടത്തെ സൃഷ്ടിച്ചത് ആക്ഷൻ രംഗങ്ങള് തന്നെയാണ്. അളന്നുമുറിച്ച ചിരികള് സമ്മാനിച്ച് മോഹൻലാല് കൂട്ടുകൂടിയപ്പോള് താളത്തോടെയുള്ള സംഘട്ടന രംഗങ്ങളായിരുന്നു സൂപ്പര്താരത്തിന്റെ ഇരിപ്പിടം ഒരുക്കിയത്. ആക്ഷൻ ഹീറോകളായി ജയനും സുരേഷ് ഗോപിയും ബാബു ആന്റണിയൊക്കെ മലയാള വാണിജ്യ സിനിമകളുടെ ചരിത്രത്തിലുണ്ടെങ്കിലും അവിടെയും ആദ്യ താളുകളില് മോഹൻലാല് ചിത്രങ്ങളുണ്ടാകും. പുലിമുരുകൻ എന്ന സിനിമ ചെയ്യുമ്പോള് മമ്മൂട്ടി പറഞ്ഞ ഒരു കാര്യം സംവിധായകൻ വൈശാഖ് പലപ്പോഴായി പറഞ്ഞിട്ടുണ്ട്. അവന് ആക്ഷൻ രംഗങ്ങള് എന്ന് പറഞ്ഞാല് ആവേശമാണ്, അവന്റെ ആരോഗ്യം ശ്രദ്ധിക്കണമെന്നായിരുന്നു മമ്മൂട്ടി പറഞ്ഞത്. അതെ, മോഹൻലാല് ആക്ഷൻ രംഗങ്ങളോട് കാട്ടുന്ന ആവേശം അങ്ങനെയാണ് എന്ന് പ്രേക്ഷകരും പറയുന്നു. മോഹൻലാലിന്റെ ഹിറ്റ് ആക്ഷൻ കഥാപാത്രങ്ങള് ഇതാ വായനക്കാര്ക്കായി ഇവിടെ. വിട്ടുപോയവ പൂരിപ്പിക്കാം. ഒരു കാലത്തെ തിയറ്ററുകളിലെ ആവേശക്കാഴ്ചകളുടെ ഓര്മ്മപ്പെടുത്തലുമാവും അത്.
“രാജുമോന് ഒരിക്കലെന്നോട് ചോദിച്ചു, അങ്കിളിന്റെ ഫാദര് ആരാണെന്ന്. ഞാന് പറഞ്ഞു ഒരു രാജാവാണെന്ന്. കിരീടവും ചെങ്കോലും സിംഹാസനവുമെല്ലാമുള്ള രാജാവ്. പിന്നീട് അവന് എന്നെ കളിയാക്കി വിളിച്ചു - പ്രിന്സ്. അതെ, അണ്ടര്വേള്ഡ് പ്രിന്സ്. അധോലോകങ്ങളുടെ രാജകുമാരന്”- തിയറ്ററുകളില് ആരാധകര് ആഘോഷമാക്കിയ ഒരു ഡയലോഗ് ആയിരുന്നു ഇത്. മോഹൻലാല് ആ ഡയലോഗ് പറഞ്ഞപ്പോള് മലയാള സിനിമയില് ഒരു പുതിയ സൂപ്പര് സ്റ്റാര് ജനിക്കുകയായിരുന്നു. മനസ്സില് കുറ്റബോധം തോന്നിത്തുടങ്ങിയാല് പിന്നെ ചെയ്യുന്നതെല്ലാം യാന്ത്രികമായിരിക്കും എന്ന് മറ്റൊരു ഡയലോഗ്. അലര്ച്ചകളുടേതായിരുന്നില്ല, പതിഞ്ഞ താളത്തോടെ ഭാവത്തില് ഉച്ചസ്ഥായിലേക്ക് എത്തുന്ന ഡയലോഗുകള്. ഷെയ്ഡ് നെഗറ്റീവെങ്കിലും നായകനായി നിറഞ്ഞ അധോലോക നായകനായിരുന്നു രാജാവിന്റെ മകനില് മോഹൻലാല്. തോക്കെടുത്തും അല്ലാതെയുള്ള മോഹൻലാലിന്റെ ആക്ഷൻ രംഗങ്ങള് ആരാധകര് ഏറ്റെടുത്തു. 1986ല് ആണ് ചിത്രം പ്രദര്ശനത്തിന് എത്തിയത്. ഡെന്നീസ് ജോസഫിന്റെ തിരക്കഥയില് തമ്പി കണ്ണന്താനമായിരുന്നു ചിത്രം സംവിധാനം ചെയ്തത്.
“രാജുമോന് ഒരിക്കലെന്നോട് ചോദിച്ചു, അങ്കിളിന്റെ ഫാദര് ആരാണെന്ന്. ഞാന് പറഞ്ഞു ഒരു രാജാവാണെന്ന്. കിരീടവും ചെങ്കോലും സിംഹാസനവുമെല്ലാമുള്ള രാജാവ്. പിന്നീട് അവന് എന്നെ കളിയാക്കി വിളിച്ചു - പ്രിന്സ്. അതെ, അണ്ടര്വേള്ഡ് പ്രിന്സ്. അധോലോകങ്ങളുടെ രാജകുമാരന്”- തിയറ്ററുകളില് ആരാധകര് ആഘോഷമാക്കിയ ഒരു ഡയലോഗ് ആയിരുന്നു ഇത്. മോഹൻലാല് ആ ഡയലോഗ് പറഞ്ഞപ്പോള് മലയാള സിനിമയില് ഒരു പുതിയ സൂപ്പര് സ്റ്റാര് ജനിക്കുകയായിരുന്നു. മനസ്സില് കുറ്റബോധം തോന്നിത്തുടങ്ങിയാല് പിന്നെ ചെയ്യുന്നതെല്ലാം യാന്ത്രികമായിരിക്കും എന്ന് മറ്റൊരു ഡയലോഗ്. അലര്ച്ചകളുടേതായിരുന്നില്ല, പതിഞ്ഞ താളത്തോടെ ഭാവത്തില് ഉച്ചസ്ഥായിലേക്ക് എത്തുന്ന ഡയലോഗുകള്. ഷെയ്ഡ് നെഗറ്റീവെങ്കിലും നായകനായി നിറഞ്ഞ അധോലോക നായകനായിരുന്നു രാജാവിന്റെ മകനില് മോഹൻലാല്. തോക്കെടുത്തും അല്ലാതെയുള്ള മോഹൻലാലിന്റെ ആക്ഷൻ രംഗങ്ങള് ആരാധകര് ഏറ്റെടുത്തു. 1986ല് ആണ് ചിത്രം പ്രദര്ശനത്തിന് എത്തിയത്. ഡെന്നീസ് ജോസഫിന്റെ തിരക്കഥയില് തമ്പി കണ്ണന്താനമായിരുന്നു ചിത്രം സംവിധാനം ചെയ്തത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ