ബ്ലഡ് ഷുഗര്‍ കുറയ്ക്കാന്‍ സഹായിക്കുന്ന നട്സുകള്‍

പ്രമേഹരോഗികള്‍ അന്നജം കുറഞ്ഞ അമിത ഊര്‍ജം അടങ്ങാത്ത എന്നാല്‍ പോഷകങ്ങള്‍ അടങ്ങിയ ഭക്ഷണങ്ങളാണ് കഴിക്കേണ്ടത്. നട്സ് പ്രമേഹരോഗികള്‍ കഴിക്കുന്നത് നല്ലതാണെന്നാണ് പഠനങ്ങള്‍ പറയുന്നത്. പ്രമേഹരോ​ഗികൾ കഴിക്കേണ്ട ചില നട്സ് ഏതൊക്കെയാണെന്ന് നോക്കാം. 

ബ്ലഡ് ഷുഗര്‍ കുറയ്ക്കാന്‍ സഹായിക്കുന്ന നട്സുകള്‍

പ്രമേഹരോ​ഗികൾ കഴിക്കേണ്ട ചില നട്സ് ഏതൊക്കെയാണെന്ന് നോക്കാം.

ബദാം

ആരോഗ്യകരമായ കൊഴുപ്പ്, നാരുകള്‍, മഗ്നീഷ്യം തുടങ്ങിയവ അടങ്ങിയ ബദാം കഴിക്കുന്നത് ബ്ലഡ് ഷുഗര്‍ നിയന്ത്രിക്കാന്‍ സഹായിക്കും.

വാള്‍നട്സ്

നാരുകളും ഒമേഗ 3 ഫാറ്റി ആസിഡും അടങ്ങിയ വാള്‍നട്സ് കഴിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കാന്‍ സഹായിക്കും. ഇവയുടെ ഗ്ലൈസെമിക് ഇൻഡക്സും കുറവാണ്.

പിസ്ത

ആരോഗ്യകരമായ കൊഴുപ്പ്, നാരുകള്‍ അടങ്ങിയ പിസ്ത കലോറി കുറഞ്ഞ നട്സാണ്. കൂടാതെ പിസ്തയുടെ ഗ്ലൈസെമിക് സൂചികയും കുറവാണ്. അതിനാല്‍ പിസ്ത പ്രമേഹ രോഗികള്‍ക്ക് ധൈര്യമായി കഴിക്കാം.

അണ്ടിപ്പരിപ്പ്

ആന്‍റി ഓക്സിഡന്‍റുകൾ, വിറ്റാമിനുകൾ, ധാതുക്കൾ, നാരുകൾ , പ്രോട്ടീൻ, ആരോഗ്യകരമായ കൊഴുപ്പുകൾ എന്നിവയാൽ സമ്പന്നമാണ് കശുവണ്ടി.

ബ്രസീല്‍ നട്സ്

ആരോഗ്യകരമായ കൊഴുപ്പും നാരുകളും അടങ്ങിയ ബ്രസീല്‍ നട്സും പ്രമേഹ രോഗികള്‍ക്ക് കഴിക്കാവുന്നതാണ്. 

മത്തങ്ങാ വിത്ത്

മത്തങ്ങാ വിത്ത് ഡയറ്റില്‍ ഉള്‍പ്പെടുത്തുന്നതും പ്രമേഹ രോഗികള്‍ക്ക് നല്ലതാണ്.

ശ്രദ്ധിക്കുക:

ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.