അയാള്‍ ഒരെതിരാളിയേ അല്ല, പിന്നെങ്ങനെ വരാന്‍ ? കാണാം ബാലന്‍ ഡി ഓര്‍ ട്രോളുകള്‍
First Published Dec 3, 2019, 3:21 PM IST
ഫുട്ബോള്‍ ഒരു മതമാണ്. ആ മതത്തില്‍ ഓരോ കാലത്തും ഒരോ പ്രവാചകന്മാര്‍ അവതരിക്കും. വര്‍ത്തമാനകാലത്ത് ഫുട്ബോളില്‍ പ്രതിഭകള്‍ ഏറെയുണ്ടെങ്കിലും ആരാധകരില്‍ മുന്നില്‍ നില്‍ക്കുന്ന രണ്ട് പേര്‍ ലിയോണല്‍ മെസിയും ക്രിസ്റ്റ്യാനോ റോണാള്‍ഡോയുമാണ്. മെസി പ്രതിഭാസമ്പന്നനായ കളിക്കാരനാണെങ്കില്‍ സ്വന്തം അധ്വാനത്തില്‍ നിന്ന് ആ പ്രതിഭയെ വെല്ലുവിളിക്കാന്‍ മാത്രം പ്രപ്തനായവനാണ് ക്രിസ്റ്റ്യാനോ റോണാള്‍ഡോ. ഈ ഒരെറ്റ വ്യത്യാസം കൊണ്ട് തന്നെ അവര്‍ തമ്മിലെ മത്സരവും ലോകം കണ്ടതാണ്. ഇതേ ആവേശം ഇരുകളിക്കാരുടെ ആരാധകരിലേക്കും പടരുന്നു. അതിനാല്‍ തന്നെ 5 തവണ ബാലൻ ഡി ഓർ പുരസ്കാരം വാങ്ങിയിരുന്ന ഇരുവരില്‍ ഒരാള്‍ ഇപ്പോള്‍ ഒരു പുരസ്കാരം കൂടുതല്‍ വാങ്ങിയിരിക്കുന്നു. തനിക്കില്ലാത്ത പുരസ്കാരം സമ്മാനിക്കുന്ന ചടങ്ങില്‍ നിന്ന് ക്രിസ്റ്റ്യാനോ വിട്ടുനിന്നു. അപ്പോള്‍ പിന്നെ ആരാധകരുടെ കാര്യം പറയേണ്ടതുണ്ടോ ? മെസിയുടെ പുരസ്കാര ചടങ്ങില്‍ മുങ്ങിപ്പോയ മറ്റൊന്നുണ്ട്. മികച്ച വനിതാ താരമായി തെരഞ്ഞെടുക്കപ്പെട്ട മേഗന്‍ റാപീനോ. കാണാം ബാലന്‍ ഡി ഓര്‍ ട്രോളുകള്‍.