Rapid Weight Gain : ഈ ശീലങ്ങൾ ഭാരം കൂടുന്നതിന് കാരണമാകും

ശരീരഭാരം (weightloss) കുറയ്ക്കുകയെന്നത് അത്ര എളുപ്പമുളള കാര്യമല്ല. ശരീരഭാരം കുറയ്ക്കാനുള്ള ലക്ഷ്യത്തിൽ എത്തിച്ചേരാൻ ചില ജീവിതശൈലി മാറ്റങ്ങളോടൊപ്പം വളരെയധികം അച്ചടക്കവും നിശ്ചയദാർഢ്യവും ആവശ്യമാണ്. ചില ശീലങ്ങൾ ശ്രദ്ധിച്ചില്ലെങ്കിൽ ഭാരം കൂടുന്നതിന് കാരണമാകും.

ഉറക്കക്കുറവ് പലതരത്തിലുള്ള ആരോ​ഗ്യപ്രശ്നങ്ങൾക്ക് കാരണമാകും. ഉറക്കക്കുറവ് ഭാരം കൂടുന്നതിനും കാരണമാകുമെന്ന് പഠനങ്ങൾ പറയുന്നു. വേണ്ടത്ര ഉറങ്ങാത്തത് അനാരോഗ്യകരമായ ലഘുഭക്ഷണങ്ങളുടെ ഉപഭോഗത്തിലേക്ക് നയിക്കുന്നു. തടി കുറയ്ക്കാനുള്ള ശ്രമത്തിലാണെങ്കിൽ കുറഞ്ഞത് ആറോ ഏഴോ മണിക്കൂറെങ്കിലും ഉറങ്ങുക.  

ഭക്ഷണം കഴിച്ചില്ലെങ്കിൽ തടി കുറയുമെന്ന തെറ്റിദ്ധാരണ പലർക്കുമുണ്ട്. ഇത് തെറ്റാണ്. നിങ്ങൾ ഭക്ഷണം ഒഴിവാക്കുമ്പോൾ ആവശ്യമായ പോഷകങ്ങൾ നഷ്ടപ്പെടുന്നു. ഇത് നിങ്ങളുടെ മൊത്തത്തിലുള്ള ആരോഗ്യത്തെ മാത്രമല്ല ബാധിക്കുക. പോഷക​ഗുണമുള്ള ഭക്ഷണം കഴിച്ച് തന്നെ ഭാരം കുറയ്ക്കുക.

ആവശ്യത്തിന് വെള്ളം കുടിക്കുന്നത്  ശരീരഭാരം കുറയ്ക്കുന്ന പ്രക്രിയ വേഗത്തിലാക്കാൻ സഹായിക്കുന്നു. എല്ലാ അവയവങ്ങളുടെയും സുഗമമായ പ്രവർത്തനം ഉറപ്പാക്കാൻ ശരീരത്തിന് എല്ലാ ദിവസവും ഒരു നിശ്ചിത അളവിൽ വെള്ളം ആവശ്യമാണ്. വെള്ളം ഊർജ്ജ നില വർദ്ധിപ്പിക്കുന്നതിനും പേശികളുടെ ശക്തി വർദ്ധിപ്പിക്കുന്നതിനും ഉപാപചയ നിരക്ക് വർദ്ധിപ്പിക്കുന്നതിനും സഹായിക്കുന്നു.

ശരീരത്തിലെ കൊഴുപ്പ് കുറയ്ക്കാൻ ആഗ്രഹിക്കുന്നുവെങ്കിൽ പാക്കേറ്റ് ഭക്ഷണങ്ങൾ ഒഴിവാക്കുക. മിക്ക പായ്ക്ക് ചെയ്ത ഭക്ഷണങ്ങളിലും ധാരാളം പ്രിസർവേറ്റീവുകൾ അടങ്ങിയിരിക്കുന്നു. കൂടാതെ പഞ്ചസാര, ഉയർന്ന അളവിലുള്ള ഉപ്പ്, നിങ്ങൾ പോലും അറിയാത്ത മറ്റ് ചേരുവകൾ എന്നിവ അടങ്ങിയിരിക്കുന്നു. അതിനാൽ, ഈ പായ്ക്ക് ചെയ്ത ഭക്ഷണങ്ങൾ കഴിക്കുന്നതിനുപകരം വിശപ്പ് തോന്നുമ്പോഴെല്ലാം കഴിക്കാൻ ഒരു ആപ്പിളോ വാഴപ്പഴമോ നട്സോ ഉൾപ്പെടുത്താം.

'കോർട്ടിസോൾ' വിശപ്പ് വർദ്ധിപ്പിക്കുന്നു. കൂടാതെ, ഉയർന്ന കോർട്ടിസോളിന്റെ അളവ് മധുരമുള്ളതും കൊഴുപ്പുള്ളതും ഉപ്പിട്ടതുമായ ഭക്ഷണങ്ങളോടുള്ള ആസക്തിക്ക് കാരണമാകും.