Make in India : ഇന്ത്യയുടെ ആയുധ ഉത്പാദനകേന്ദ്രമാകാന്‍ യുപി; 5 ലക്ഷം എകെ 203 റൈഫിളുകള്‍ നിര്‍മ്മിക്കും

മേക്ക് ഇന്‍ ഇന്ത്യാ (Make in India) പദ്ധതികയുടെ ഭാഗമായി ആയുധ ഉത്പാദന രംഗത്ത് വന്‍ മുന്നേറ്റത്തിന് ഇന്ത്യ.സ്വന്തമായി ഇന്ത്യ യുദ്ധക്കപ്പലുകള്‍ നിര്‍മ്മിച്ചി തുടങ്ങിയതിന് പിന്നാലെ ഇപ്പോള്‍ എകെ 203 ആക്രമണ റൈഫിളുകളുടെ ( AK-203 assault rifles)  ഉത്പാദനവും ഇന്ത്യയില്‍ ആരംഭിക്കുന്നു. ആദ്യ ഘട്ടമെന്ന നിലയില്‍ അഞ്ച് ലക്ഷം എകെ 203 റൈഫിളുകള്‍ നിര്‍മ്മാണത്തിന് സര്‍ക്കാര്‍ അംഗീകാരം നല്‍കി. ഉത്തര്‍പ്രദേശിലെ അമേഠിയിലെ കോർവയിലാണ് റൈഫിള്‍ ഉത്പാദനം നടക്കുക. റഷ്യയുമായുള്ള സഹകരണത്തിലാണ് റൈഫിളുകളുടെ ഉത്പാദനം.     

പ്രതിരോധ മേഖലയില്‍ ഇന്ത്യയും റഷ്യയും തമ്മില്‍ ദീര്‍ഘകാലമായുള്ള സഹകരണമുണ്ട്. ഇതിന്‍റെ തുടര്‍ച്ചാണ് ഇപ്പോഴത്തെ നീക്കം. വിവിധ എംഎസ്എംഇകൾക്കും മറ്റ് പ്രതിരോധ വ്യവസായങ്ങൾക്കും അസംസ്കൃത വസ്തുക്കളും ഘടകങ്ങളും വിതരണം ചെയ്യുന്നതിനുള്ള ബിസിനസ് അവസരങ്ങളും ഈ പദ്ധതി പ്രദാനം ചെയ്യുന്നു. 

പദ്ധതി പ്രവര്‍ത്തികമാകുന്നതോടെ ഇന്ത്യയുടെ പ്രതിരോധ ആയുധ നിര്‍മ്മാണത്തില്‍ ഉത്തര്‍പ്രദേശ് സംസ്ഥാനം ഇന്ത്യയിലെ ഒരു പ്രധാന കേന്ദ്രമാക്കിമാറും. ഇതുമൂലം സംസ്ഥാനത്ത് ആയിരക്കണക്കിന് പുതിയ തൊഴിലവസരങ്ങള്‍ തുറക്കും. 

മൂന്ന് പതിറ്റാണ്ടുകൾക്ക് മുമ്പ് സൈന്യത്തിന് ലഭ്യമായിരുന്ന ഇൻ-സർവീസ് INSAS റൈഫിളിന് പകരമായി ഇനി 7.62 X 39 mm കാലിബർ AK-203 റൈഫിളുകൾ സൈന്യം ഉപയോഗിക്കും. 

ഫലപ്രദമായ 300 മീറ്റർ പരിധിയുള്ള AK-203 അസോൾട്ട് റൈഫിളുകൾ, ഭാരം കുറഞ്ഞതും കരുത്തുറ്റതും ഉപയോഗിക്കാൻ എളുപ്പമുള്ളതുമാണെന്ന് തെളിയിക്കപ്പെട്ട, ആധുനിക സാങ്കേതിക വിദ്യകളുള്ള ആക്രമണ റൈഫിളുകളാണ്. കലാപം / ഭീകരവാദ വിരുദ്ധ പ്രവർത്തനങ്ങള്‍ എന്നിവ നേരിടുന്നതിന് ഇന്ത്യൻ സൈന്യത്തിന് ഏറെ ഉപകാരമായിരിക്കും ഈ ആയുധം. 

ഇൻഡോ-റഷ്യൻ റൈഫിൾസ് പ്രൈവറ്റ് ലിമിറ്റഡ് (ഐആർആർപിഎൽ) എന്ന പ്രത്യേകോദ്ദേശ്യ സംയുക്ത സംരംഭമാണ് പദ്ധതി നടപ്പാക്കുക. ഇന്ത്യയുടെ മുൻകാല OFB [ഇപ്പോൾ അഡ്വാൻസ്ഡ് വെപ്പൺസ് ആൻഡ് എക്യുപ്‌മെന്‍റ് ഇന്ത്യ ലിമിറ്റഡ് (AWEIL), മ്യൂണിഷൻസ് ഇന്ത്യ ലിമിറ്റഡ് (MIL)], റോസോബോറോനെക്‌സ്‌പോർട്ട് (RoE) എന്നിവയും റഷ്യയിലെ കലാഷ്‌നിക്കോവിന്‍റെ സാങ്കേതികയും ഉപയോഗിച്ചാണ് പുതിയ എകെ 203 റൈഫിളുകളുടെ നിര്‍മ്മാണം. 2010 ലാണ് കോര്‍വയില്‍ പുതിയ ആയുധ നിര്‍മ്മാണശാല ആരംഭിച്ചത്. 2014 ലാണ് ഇവിടെ  AK-203 റൈഫിളുകളുടെ നിർമ്മാണ യൂണിറ്റ് ഉദ്ഘാടനം ചെയ്തത്.