അശാന്തമായി ഗോകുല്പുരി; ചിത്രങ്ങള് കാണാം.
First Published Feb 26, 2020, 12:44 PM ISTവടക്കുകിഴക്കൻ ദില്ലിയിലെ വർഗീയകലാപം ഇനിയും പൂര്ണ്ണമായും നിയന്ത്രണ വിധേയമായിട്ടില്ലെന്ന് തെളിയിച്ച് ഗോകുല്പുരി. കലാപം തുടങ്ങിയതിന് ശേഷം അക്രമിസംഘം ഏറ്റവും കൂടുതല് അഴിഞ്ഞാടിയത് ഗോകുല്പുരിയിലായിരുന്നു. സംഘര്ഷം കലാപത്തിലേക്ക് വഴിമാറിയത് തന്നെ ഗോകുല്പുരിയിലെ ടയര്മാര്ക്കറ്റിന് തീവച്ച് കൊണ്ടായിരുന്നു. ഈ ടയര്മാര്ക്കറ്റിലെ തീ ഇന്നലെ അഗ്നിശമന സേന അണച്ചിരുന്നു. എന്നാല് ഇന്ന് രാവിലെ സംഘടിച്ചെത്തിയ അക്രമി സംഘം ഗോകുല്പുരിയിലെ ടയര് മാര്ക്കറ്റിന് വീണ്ടും തീയിടുകയായിരുന്നു. ഇതിനിടെ കലാപത്തില് മരിച്ചവരുടെ എണ്ണം 20 ആയി. തുടർച്ചയായ അക്രമങ്ങൾ നടന്ന ഇടമായിട്ടും, തീവെപ്പ് തുടങ്ങിയപ്പോൾ ഇവിടെ ഒരു പൊലീസുകാരൻ പോലുമുണ്ടായിരുന്നില്ലെന്ന് ഏഷ്യാനെറ്റ് റിപ്പോര്ട്ടര് സിനില് റിപ്പോര്ട്ട് ചെയ്യുന്നു. ഏഷ്യാനെറ്റ് ന്യൂസ് ക്യാമറാമാന് ദീപു എം നായര് പകര്ത്തിയ ചിത്രങ്ങള് കാണാം.