സാധാരണ എസി ട്രെയിൻ ടിക്കറ്റിന് ആയിരങ്ങളാണ് വില. എന്നാൽ ഒരു ടിക്കറ്റിന് 9 ലക്ഷം രൂപയാണെങ്കിലോ? അതും വിദേശത്തല്ല, ഇന്ത്യയിലാണെന്ന് പറഞ്ഞാൽ വിശ്വസിക്കുമോ? സംഗതി സത്യമാണ്. ഇന്ത്യയിലെ ഏറ്റവും ആഡംബര ട്രെയിനായ ഡെക്കാൻ ഒഡീസിയുടെ വിശേഷങ്ങളറിയാം.
ഡെക്കാൻ ഒഡീസി ഇന്ത്യയിലെ ഏറ്റവും മികച്ച ആഡംബര ട്രെയിനുകളിലൊന്നാണ്. ഗുജറാത്തിൻ്റെ സൗന്ദര്യവും ഡെക്കാൻ പീഠഭൂമിയിലെ ചരിത്ര സ്ഥലങ്ങളും ഗോവയും ഉൾക്കൊള്ളുന്ന പ്രത്യേക റൂട്ടുകളിലൂടെ ഈ ട്രെയിൻ സഞ്ചരിക്കുന്നു. പുറത്തെ മനോഹരമായ കാഴ്ചകളും അകത്തെ രാജകീയമായ അന്തരീക്ഷവും യാത്രയെ അവിസ്മരണീയമാക്കുന്നു. സൗകര്യപ്രദമായ മുറികളും രുചികരമായ ഭക്ഷണവും ജീവനക്കാരുടെ മികച്ച സേവനവും യാത്രക്കാർക്ക് ഒരു ഫൈവ് സ്റ്റാർ ഹോട്ടൽ അനുഭവം നൽകുന്നു.
26
ട്രെയിനിലെ കോച്ചുകളും മുറികളും
ഡെക്കാൻ ഒഡീസിയിൽ ആകെ മനോഹരമായി അലങ്കരിച്ച 12 കോച്ചുകളാണുള്ളത്. ഓരോ കോച്ചും ഡെക്കാൻ മേഖലയുടെ ചരിത്രം വിളിച്ചോതുന്ന രീതിയിലാണ് രൂപകൽപ്പന ചെയ്തിരിക്കുന്നത്. ഡീലക്സ് ക്യാബിനുകൾ, പ്രസിഡൻഷ്യൽ സ്യൂട്ടുകൾ എന്നിങ്ങനെ രണ്ടുതരം മുറികളുണ്ട്. ഓരോ കോച്ചിലും 4 ഡീലക്സ് മുറികളോ 2 പ്രസിഡൻഷ്യൽ സ്യൂട്ടുകളോ മാത്രമാണുള്ളത്. അതിനാൽ യാത്രക്കാർക്ക് കൂടുതൽ സ്വകാര്യതയും ശാന്തതയും ലഭിക്കും. വലിയ കിടക്ക, അറ്റാച്ച്ഡ് ബാത്ത്റൂം, എയർ കണ്ടീഷനിംഗ്, ടെലിഫോൺ, 24 മണിക്കൂറും സേവനത്തിനായി ഒരു പേഴ്സണൽ അറ്റൻഡൻ്റ് എന്നിവയെല്ലാം ഒരു കൊട്ടാരത്തിലെന്ന പോലെയുള്ള അനുഭവം നൽകുന്നു.
36
ട്രെയിനിലെ 5-സ്റ്റാർ സൗകര്യങ്ങൾ
ഡെക്കാൻ ഒഡീസിയിൽ ആഡംബര മുറികൾക്ക് പുറമെ മറ്റ് നിരവധി പ്രത്യേക സൗകര്യങ്ങളുമുണ്ട്. യാത്രക്കാർക്ക് വിശ്രമിക്കാനായി ഒരു സിറ്റിംഗ് ലോഞ്ച്, ഹൈടെക് കോൺഫറൻസ് കോച്ച്, ഹെൽത്ത് സ്പാ എന്നിവ ഇതിൽ ഉൾപ്പെടുന്നു. പേശ്വാ I, പേശ്വാ II എന്നിങ്ങനെ രണ്ട് റെസ്റ്റോറൻ്റുകളും ട്രെയിനിലുണ്ട്. ഈ റെസ്റ്റോറൻ്റുകളിൽ ഇന്ത്യൻ, ഓറിയൻ്റൽ, കോണ്ടിനെൻ്റൽ വിഭവങ്ങൾ വിളമ്പുന്നു. രുചിയിൽ മാത്രമല്ല, അതിഥി സൽക്കാരത്തിലും ഇവർ മുന്നിലാണ്.
7 രാത്രിയും 8 പകലും നീളുന്ന യാത്രയുടെ ചിലവ് ഇങ്ങനെയാണ്: സിംഗിൾ ഒക്യുപെൻസിയിൽ ഡീലക്സ് ക്യാബിന് ഏകദേശം 4,27,000 രൂപ മുതലാണ് നിരക്ക്. പ്രസിഡൻഷ്യൽ സ്യൂട്ടിന് ഇത് 9,24,700 രൂപ മുതൽ ആരംഭിക്കുന്നു. ഡബിൾ ഒക്യുപെൻസിയിൽ നിരക്ക് ഏകദേശം 6,12,500 രൂപയിൽ തുടങ്ങുന്നു. പ്രസിഡൻഷ്യൽ സ്യൂട്ടിൽ യാത്ര ചെയ്യാൻ 9,24,700 രൂപ തന്നെ മുടക്കണം. തിരഞ്ഞെടുക്കുന്ന റൂട്ട്, സീസൺ എന്നിവ അനുസരിച്ച് യാത്രാ ചെലവിൽ മാറ്റങ്ങൾ വരാം.
56
ജൂവൽസ് ഓഫ് ദി ഡെക്കാൻ
ഡെക്കാൻ ഒഡീസി പല റൂട്ടുകളിൽ സർവീസ് നടത്തുന്നുണ്ട്. അതിൽ പ്രധാനപ്പെട്ട രണ്ടെണ്ണമാണുള്ളത്.
ജൂവൽസ് ഓഫ് ദി ഡെക്കാൻ: മുംബൈയിൽ നിന്ന് ആരംഭിച്ച് ബീജാപ്പൂർ, ഐഹോളെ, പട്ടടക്കൽ, ഹംപി, ഹൈദരാബാദ് തുടങ്ങിയ ചരിത്ര നഗരങ്ങളിലൂടെ ഈ യാത്ര കടന്നുപോകുന്നു. തുടർന്ന് ഔറംഗാബാദിലെ അജന്ത, എല്ലോറ ഗുഹകളും സന്ദർശിക്കാം.
ഇന്ത്യൻ ഒഡീസി: ന്യൂഡൽഹിയിൽ നിന്ന് തുടങ്ങി സവായ് മധോപൂർ, ആഗ്ര, ജയ്പൂർ, ഉദയ്പൂർ, വഡോദര, ഔറംഗാബാദ് വഴി മുംബൈയിൽ എത്തുന്നതാണ് ഈ യാത്ര. ഈ യാത്രയിൽ രൺഥംഭോർ നാഷണൽ പാർക്ക്, താജ് മഹൽ, ചമ്പാനേർ-പാവഗഢ് ആർക്കിയോളജിക്കൽ പാർക്ക്, എല്ലോറ ഗുഹകൾ തുടങ്ങിയ സ്ഥലങ്ങൾ സന്ദർശിക്കാം.
