മറികടക്കാനാകുമോ, ഈ കണ്ണാടി പാലത്തെ ? ചൈനയിലെ കണ്ണാടി പാലങ്ങള്
First Published Apr 3, 2021, 2:51 PM IST
പാലം നിർമ്മാണത്തിൽ ചൈനയ്ക്ക് നീണ്ട ചരിത്രമുണ്ട്. 595 നും 605 നും ഇടയിൽ നിർമ്മിച്ച അഞ്ചി പാലമാണ് ചൈനയിലെ ഏറ്റവും പഴക്കമുള്ള പാലം. ഇന്നും വലിയ കേടുപാടുകളില്ലാതെ അഞ്ചി പാലം നില്ക്കുന്നു. പാലം നിര്മ്മാണത്തിലെ ഈ ചരിത്രജ്ഞാനം അവരെ പുതിയ തരം പാലങ്ങളുടെ രൂപകല്പ്പനയിലേക്ക് നയിച്ചു. ചൈന, തങ്ങളുടെ ഏറ്റവും നീളം കുടിയ നദിയായ വുഹാൻ യാങ്സി നദിക്ക് കുറുകെ ആദ്യമായി ഒരു പാലം നിര്മ്മിക്കുന്നത് 1957- ലാണ്. 1992 ൽ ഇത്തരം വലിയ ഏഴ് പാലങ്ങൾ മാത്രമേ ചൈന നിര്മ്മിച്ചിരുന്നൊള്ളൂ. കഴിഞ്ഞ രണ്ട് ദശകങ്ങളിലെ അടിസ്ഥാന ആവശ്യമായ പാലം നിർമ്മാണത്തില് ചൈന വലിയ കുത്തിച്ച് ചാട്ടമാണ് നടത്തിയത്. 2012 -ന്റെ അവസാനത്തോടെ പുതിയ എട്ട് പാലങ്ങളുള്പ്പെടെ 73 വന്കിട പാലങ്ങളാണ് ചൈന പണിതുയര്ത്തിയത്. ചൈന ഗ്ലാസ് ഉപയോഗിച്ചുള്ള പാലങ്ങള് നിര്മ്മിക്കാനാരംഭിച്ചതും ഇക്കാലത്താണ്. 2015 ല് ആദ്യത്തെ ചില്ല് പാലം ചൈന ജനങ്ങള്ക്കായി തുറന്ന് കൊടുത്തു.
164 കിലോമീറ്ററിലധികം നീളമുള്ള ലോകത്തിലെ ഏറ്റവും ദൈർഘ്യമേറിയ പാലങ്ങളിലൊന്നായ ഡാൻയാങ്-കുൻഷൻ ഗ്രാൻഡ് ബ്രിഡ്ജ്, സെജിയാങ് പ്രവിശ്യയിലെ സിഹൌമെൻ പാലം, രണ്ടാമത്തെ ദൈർഘ്യമേറിയ സസ്പെൻഷൻ ബ്രിഡ്ജ് ജിയാങ്സു പ്രവിശ്യയിലെ സുതോംഗ് പാലം, കേബിളിൽ പ്രവര്ത്തിക്കുന്ന രണ്ടാമത്തെ ദൈർഘ്യമേറിയ സ്പാൻ, ലോകത്തിലെ ഏറ്റവും ഉയരമുള്ള പാലമായ സിഡു നദി പാലം, ഏറ്റവും ദൈർഘ്യമേറിയ കമാനം പാലമായ ചാവോട്ടിയൻമെൻ ബ്രിഡ്ജ്, എന്നിങ്ങനെ പാലത്തിന്റെ ഉയരം, ദൂരം, ആകൃതി, ഉപയോഗിക്കുന്ന വസ്തു, എന്നിങ്ങനെ സമസ്ത മേഖലയിലും വലിയ വ്യത്യാസങ്ങളാണ് ചൈന കൊണ്ടുവന്നിരിക്കുന്നത്.