കൊറോണാ കാലത്തെ വസന്തകാലം
First Published Mar 24, 2020, 11:36 AM ISTജൂലൈ 24 മുതല് ആഗസ്റ്റ് 9 വരെയായിരുന്നു ജപ്പാനില് ഒളിമ്പിക്സ് തീരുമാനിച്ചിരുന്നത്. എന്നാല് കൊവിഡ് 19 ന്റെ ലോകവ്യാപനം സൃഷ്ടിച്ച നിസഹായത ജപ്പാനെയും അനിശ്ചിതത്വത്തിലാക്കിയിരിക്കുന്നു. ഇതോടെ 32 -മത് ഒളിമ്പിക്സ് മത്സരങ്ങള് മാറ്റിവെക്കുമെന്ന് ഏതാണ്ട് ഉറപ്പായി. പക്ഷേ... മനുഷ്യന്റെ മാത്സര്യങ്ങളറിയാതെ ജപ്പാനില് വീണ്ടും ചെറിപ്പൂക്കള് പൂത്തിരിക്കുന്നു. ജപ്പാനില് മാത്രമല്ല ലോകമെങ്ങും ചെറിപ്പൂകള് പൂക്കുന്നകാലമാണിത്. എന്നാല് ഇത്തവണത്തെ വസന്തകാലത്ത് ജപ്പാന് നിശബ്ദമാണ്. വൈറസിന്റെ വ്യാപനം തടയാന് ആവശ്യമായ മുന്കരുതലുകള് എടുത്തിട്ടുണ്ടെങ്കിലും എങ്ങും ആശങ്കയുടെ മുഖങ്ങളാണ്.
ഒളിമ്പക്സ് മത്സരങ്ങള് ഒരു വര്ഷത്തെക്ക് മാറ്റിവെച്ചേക്കുമെന്ന് ജപ്പാന് ഒളിമ്പിക്സ് മന്ത്രി സെയ്ക്കോ ഹാഷിമോട്ടോയാണ് ഇക്കാര്യത്തെ കുറിച്ച് സൂചന നല്കിയത്. മത്സരങ്ങള് മാറ്റിവച്ചേക്കുമെന്ന് ബിബിസിയും റിപ്പോര്ട്ട് ചെയ്തു. എങ്കിലും പൂക്കാതിരിക്കാനാകുമോ ഈ ചെറികള്ക്ക്...