രോഗവ്യാപനം തുടരുന്നു; ഇളവുകളും !!
First Published May 20, 2020, 2:45 PM IST
ലോകവ്യാപകമായി കൊവിഡ് 19 ന്റെ രോഗവ്യാപനം അനിയന്ത്രിതമായി ഉയരുമ്പോഴും നിയന്ത്രണങ്ങളിൽ ഇളവുകൾ നൽകുകയാണ് പല രാജ്യങ്ങളും. രോഗവ്യാപനത്തിന്റെ തോത് കുറയ്ക്കുക എന്നതിനപ്പുറത്തേയ്ക്ക് മരണ നിരക്ക് കുറയ്ക്കുക എന്ന രീതിയാണ് മിക്ക രാജ്യങ്ങളും അവലംബിക്കുന്നത്. ഇന്നത്തെ കണക്കനുസരിച്ച് 49,89,270 കൊവിഡ് ബാധിതരാണ് ലോകത്തുള്ളത്. 19,60,503 പേർ രോഗമുക്തി നേടിയപ്പോൾ 3,24,970 പേർ മരണത്തിന് കീഴടങ്ങി. 15,70,583 രോഗബാധിതരുള്ള അമേരിക്കയാണ് മരണനിരക്കിലും ഒന്നാമത്. 93,533 പേരാണ് അമേരിക്കയിൽ ഇതിനോടകം മരിച്ചത്. 1,06,886 രോഗബാധിതരാണ് ഇന്ത്യയിലുള്ളത്. 3,303 മരണങ്ങളും ഇതുവരെ റിപ്പോർട്ട് ചെയ്തു. എന്നാല് ലോകത്ത് കൊവിഡ്19 ന്റെ വ്യാപനത്തില് ഇതുവരെ കുറവുകള് രേഖപ്പെടുത്തിയിട്ടില്ലെന്നും വിദഗ്ദര് പറയുന്നു.