യുദ്ധമുഖത്തെ യോദ്ധാക്കളെന്ന് ഭരണകൂടങ്ങള്‍; നഗ്നരായി പ്രതിഷേധിച്ച് ഡോക്ടര്‍മാരും
First Published Apr 29, 2020, 11:55 AM ISTജര്‍മ്മനിയില്‍ കൊവിഡ്19 വൈറസ് ബാധയേറ്റ രോഗികളുടെ എണ്ണം 1,59,912 ലേക്ക് ഉയര്‍ന്നു. 6,314 പേര്‍ക്ക് ജീവന്‍ നഷ്ടമായി. നിലവില്‍ കഴിഞ്ഞ ആഴ്ചകളെ അപേക്ഷിച്ച് മരണനിരക്കിലും രോഗവ്യാപനത്തിലും നേരിയ കുറവുണ്ടെങ്കിലും ജര്‍മ്മനിയിലും കാര്യങ്ങള്‍ പഴയ പോലെയല്ല. ജനുവരി അവസാനത്തോടെയാണ് മറ്റ് യൂറോപ്യന്‍ രാജ്യങ്ങളോടൊപ്പം ജര്‍മ്മനിയിലും കൊറോണാ വൈറസ് വ്യാപനം റിപ്പോര്‍ട്ട് ചെയ്യപ്പെട്ടത്. മൂന്ന് മാസങ്ങള്‍ക്ക് ശേഷവും രോഗവ്യാപനം തടയുന്നതില്‍ ഭരണകൂടം പ്രായോഗികമായി പരാജയപ്പെട്ടെന്ന പരാതികള്‍ ഉയരുന്നതിനിടെയാണ്, ലോക രാഷ്ട്രങ്ങള്‍ക്കിടയില്‍ ജര്‍മ്മന്‍ ചാന്‍സ്‍ലര്‍ ഏയ്ഞ്ചല മെര്‍ക്കലിന് ക്ഷീണമുണ്ടാക്കുന്ന നടപടി ജര്‍മ്മന്‍ ഡോകടര്‍മാരില്‍ നിന്നുമുണ്ടായത്.
യുദ്ധമുണ്ടാകുമ്പോള്‍ സൈന്യവും ചില സൈനീകരും ദേശീയ ഹീറോകളായി മാറുന്നു. അവര്‍ ജനമനസുകളില്‍ എന്നും തിളങ്ങുന്ന ധൈര്യശാലികളാവും. കൊവിഡ്19 വൈറസ് വ്യാപനത്തിനെതിരെ മുന്‍നിരയില്‍ നിന്ന് പോരാടുന്ന ഡോക്ടര്‍മാരും നേഴ്സുമാരും മഹാമാരിക്കെതിരെയുള്ള യുദ്ധത്തിലെ മുന്‍നിരസൈനീകരാണെന്നാണ് ഓരോ ഭരണകൂടവും ആവര്‍ത്തിച്ച് പറയുന്നത്. എന്നാല്‍, യുദ്ധമുഖത്ത് ആയുധം പോയിട്ട് വസ്ത്രം പോലുമില്ലാതെയാണ് തങ്ങള്‍ നില്‍ക്കുന്നാണ് ജര്‍മ്മനിയിലെ ഡോക്ടര്‍മാര്‍ പറയുന്നു. ഇതിനെതിരെ കഴിഞ്ഞ ദിവസം അവര്‍ പ്രതിഷേധിച്ചു. അതും നഗ്നരായി. യുദ്ധമുഖത്ത് ശത്രുവിന്‍റെ മുന്നില്‍ ആയുധമില്ലാതെ അകപ്പെട്ട സൈനീകനെപോലെ... കാണാം ജര്‍മ്മനിയിലെ ഡോകടര്‍മാരുടെ പ്രതിഷേധം.