ഐഎസ് തലവന് ബാഗ്ദാദി ഭീരുവിനെപ്പോലെ മരിച്ചെന്ന് ട്രംപ്; കാണാം ആ സ്ഫോടന ദൃശ്യങ്ങള്
First Published Oct 28, 2019, 11:23 AM ISTലോകത്തിലെ ആദ്യ ഇസ്ലാമിക്ക് സ്റ്റേറ്റ് തലവനെന്ന് സ്വയം അവരോധിച്ച അബൂബക്കര് അല് ബാഗ്ദാദി, അമേരിക്കയുടെ സൈനീക നടപടിക്കിടെ സ്വയം പൊട്ടിത്തെറിച്ചതായി അമേരിക്കന് പ്രസിഡന്റ് ഡൊണാള്ഡ് ട്രംപ്. " ഒരു തുരങ്കത്തിനകത്തേക്ക് കരഞ്ഞ് ബഹളം വച്ച് കൊണ്ട് ഓടിയ ബാഗ്ദാദി അമേരിക്കൻ സൈന്യത്തെ കണ്ട് ഭയന്ന് വിറച്ചു. നായയെപ്പോലെ, ഭീരുവിനെപ്പോലെ മരിച്ചു”,ട്രംപ് ടെലിവിഷനിലൂടെ ലോകത്തെ അറിയിച്ചു. സ്വന്തം സൈന്യം ബാഗ്ദാദിയെ വേട്ടയാടുന്നത് ട്രംപ്, പെന്റഗണിന്റെ ശീതളിമയിലിരുന്ന് സാറ്റലൈറ്റിന്റെ സഹായത്തോടെ വീക്ഷിച്ചെന്നും അമേരിക്കന് പ്രതിരോധ മന്ത്രാലയം അറിയിച്ചു.