'സോപ്പ് ഉപയോഗിക്കൂ ജീവിതം ആസ്വദിക്കൂ' ; നൂറ്റാണ്ട് മുമ്പൊരു പനിക്കാലത്തെ സോപ്പ് പരസ്യങ്ങള്‍ കാണാം
First Published Mar 18, 2020, 11:26 AM ISTവിപണി എന്നത് ഒരു മജിഷ്യനാണ്. അതുവരെ ആര്‍ക്കും വേണ്ടാതെ ഒഴിവാക്കിയിരുന്ന പലതും പെട്ടെന്നൊരു ദിവസം മുതല്‍ ഏറെ പ്രധാന്യത്തോടെ വിപണി കീഴടക്കുന്ന കാഴ്ച പലതവണ ഉണ്ടായിട്ടുണ്ട്. കൊറോണാ വൈറസ് ബാധ വ്യാപകമായതോടെ ലോകത്ത് അതുവരെ അപ്രസക്തമായിരുന്ന മാസ്ക്കുകള്‍ക്കും ഹാന്‍ഡ് സാനിറ്റേസറുകളും ലോഷനുകള്‍ക്കും വിപണി കൈയേറി. രോഗത്തിന്‍റെ വ്യാപനത്തെ ചെറുക്കാന്‍ രോഗമുള്ളവര്‍ മാസ്കുകള്‍ ഉപയോഗിക്കാനും എല്ലാവരും കൈകള്‍ കഴുകുവാനും ആരോഗ്യപ്രവര്‍ത്തകരുടെ നിര്‍ദ്ദേശം വന്നതോടെയാണ് മാസ്ക്കുകള്‍ക്കും ഹാന്‍ഡ് സാനിറ്റേഷന്‍ ലോഷനുകള്‍ക്കും വിപണിയില്‍ ആവശ്യക്കാരേറിയത്.
എന്നാല്‍ ഇന്നത്തേതു പോലെയായിരുന്നില്ല പഴ കാലം. സോപ്പ് വിപണിയില്‍ എത്തിയിട്ടേ ഉണ്ടായിരുന്നൊള്ളൂ. അതുകൊണ്ട് തന്നെ ജനങ്ങളെ ആകര്‍ഷിക്കേണ്ടതിന്‍റെ ആവശ്യവും നിലനിന്നിരുന്നു. അതിനിടെ പനി മരണങ്ങള്‍ കൂടിയപ്പോള്‍ സോപ്പ് നിര്‍മ്മാതാക്കള്‍ വിപണിയുടെ സാധ്യത മനസിലാക്കി. ഇതേ തുടര്‍ന്ന് പത്രങ്ങളില്‍ സോപ്പ് പരസ്യങ്ങള്‍ വ്യാപകമായി പ്രസിദ്ധീകരിച്ചു തുടങ്ങി. 1919 ല്‍ സ്പെയിനില്‍ വ്യാപകമായ രീതിയില്‍ പനി മരണങ്ങള്‍ റിപ്പോര്‍ട്ട് ചെയ്യപ്പെട്ടു. ഇതോടെ പത്രങ്ങളില്‍ സോപ്പിന്‍റെ പരസ്യങ്ങള്‍ കൂടി.. തുടര്‍ന്ന് സോപ്പിന്‍റെ ഉപയോഗവും വളരെയേറെ വര്‍ദ്ധിച്ചു. കാണാം ആ സോപ്പ് പരസ്യങ്ങള്‍.