പൊങ്കാലയ്ക്ക് തയ്യാറെടുത്ത് വിശ്വാസികള്, ഭക്തിയില് അണിഞ്ഞൊരുങ്ങി തലസ്ഥാന നഗരി; ചിത്രങ്ങള്
First Published Mar 8, 2020, 8:10 PM ISTഒരു വര്ഷത്തെ ഭക്തിനിര്ഭരമായ കാത്തിരിപ്പിന് നാളെ വിരാമമാകും. ആറ്റുകാല് പൊങ്കാലയ്ക്ക് സജ്ജമായി വിശ്വസലോകം തലസ്ഥാന നഗരിയിലേക്ക് ഒഴുകുകയാണ്. കൊവിഡ് 19 കേരളത്തില് വീണ്ടും സ്ഥിരീകരിച്ചതിന്റെ പശ്ചാത്തലത്തില് കനത്ത ജാഗ്രതയുടെ നടുവിലാണ് ഇക്കുറി ആറ്റുകാല് പൊങ്കാല നടത്തപ്പെടുന്നത്.
മധുരാ നഗരത്തെ ചുട്ടെരിച്ച് മടങ്ങിയ കണ്ണകിയെ സ്ത്രീകള് പൊങ്കാലയര്പ്പിച്ച് സ്വീകരിച്ചുവെന്നാണ് പൊങ്കാലയുടെ ഒരു ഐതിഹ്യം. തോറ്റംപാട്ടിന്റെ ശീലുകളില് പാണ്ഡ്യരാജ്യ നിഗ്രഹത്തോടെ കണ്ണകീ ചരിത്രം പൂര്ണമാകുമ്പോള് പൊങ്കാല ചടങ്ങുകള്ക്ക് തുടക്കമാകും. രാവിലെ 10 15ന് പണ്ടാര അടുപ്പിൽ തീ കൊളുത്തുന്നതോടെ തുടക്കമാകുന്ന പൊങ്കാലയ്ക്ക് പതിനായിരക്കണക്കിന് സ്ത്രീകളാണ് തലസ്ഥാനനഗരിയിൽ അണിനിരക്കുക.
ആറ്റുകാല് ക്ഷേത്രത്തിന് പത്ത് കിലോമീറ്റർ ചുറ്റളവ് വരെയാണ് പൊങ്കാലക്കളങ്ങൾ ഒരുങ്ങിയിരിക്കുന്നത്. രണ്ടു ദിവസം മുമ്പ് തന്നെ ഭക്തർ പൊങ്കാലയിടാനുള്ള ഇടം കണ്ടെത്താൻ എത്തിയിരുന്നു. ഭക്തി സാന്ദ്രമായ തലസ്ഥാന നഗരി മനോഹരകാഴ്ചയായി മാറിക്കഴിഞ്ഞിട്ടുണ്ട്. ഏഷ്യാനെറ്റ് ന്യൂസ് ക്യമാറാമാന് രാഗേഷ് തിരുല പകര്ത്തിയ പൊങ്കാല ചിത്രങ്ങള്.