'ഗൂഢാലോചനയ്ക്ക് പിന്നില് ചെന്നിത്തല'; അന്വേഷണ റിപ്പോര്ട്ടുമായി കേരളാ കോണ്ഗ്രസ്
First Published Oct 18, 2020, 3:05 PM ISTഇനി ഇടതിനൊപ്പമെന്ന് കേരള കോണ്ഗ്രസ് ജോസ് വിഭാഗം നിലപാട് പ്രഖ്യാപിച്ചിട്ട് അധിക ദിവസമായിട്ടില്ല. 38 വര്ഷത്തെ യുഡിഎഫ് ബന്ധം ഉപേക്ഷിച്ച് കേരള കോണ്ഗ്രസിന്റെ എല്ഡിഎഫിലേക്കുള്ള വരവ് രാഷ്ട്രീയം കേരളം ഇപ്പോഴും ചര്ച്ച ചെയ്യുകയാണ്.
ബാര്ക്കോഴ കേസില് കെ എം മാണിയെന്ന രാഷ്ട്രീയ ചാണക്യനെ മുള്മുനയില് നിര്ത്തിയ എല്ഡിഎഫിനൊപ്പം മകന് പോകുന്നതിനെ യുഡിഎഫ് കേന്ദ്രങ്ങള് വിമര്ശിക്കുന്നു. മറുപക്ഷത്ത് ജോസ് കെ മാണിയുടെ വരവോട് മധ്യകേരളം ചുവപ്പിക്കാമെന്നുള്ള പ്രതീക്ഷയില് ഇടതുപക്ഷം തന്ത്രങ്ങള് മെനയുന്നു. ഇതിനിടയില് വലിയ ചര്ച്ചയായി മാറുകയാണ് ബാര്ക്കോഴ കേസില് കേരള കോണ്ഗ്രസിന്റെ അന്വേഷണ റിപ്പോര്ട്ട്. യുഡിഎഫില് നിന്നുള്ള പിന്മാറ്റത്തിന് എന്താണ് കാരണമെന്ന് ഈ അന്വേഷണ റിപ്പോര്ട്ട് പറയുമെന്ന് ജോസ് വിഭാഗം പറയുന്നു.