ഹോട്ട്സ്പോട്ടുകളുടെ എണ്ണം വര്‍ധിപ്പിച്ചു, രോഗലക്ഷണമുള്ള 206 പേരെ ആശുപത്രിയിലേക്ക് മാറ്റി; അറിയേണ്ടതെല്ലാം

ഇന്ന് 65 പേര്‍ക്ക് കൂടി കൊവിഡ്-19 സ്ഥിരീകരിച്ചതോടെ കേരളത്തില്‍ ആകെ ചികിത്സയിലുള്ളവരുടെ എണ്ണം 1238 ആയി. ഇന്ന് 57 പേരുടെ പരിശോധനാഫലം നെഗറ്റീവായത് സംസ്ഥാനത്തിന് ആശ്വാസമേകുന്നതാണ്. അതേസമയം നീരീക്ഷണത്തില്‍ കഴിഞ്ഞിരുന്നതില്‍ രോഗലക്ഷണമുള്ള 206 പേരെ ആശുപത്രിയിലേക്ക് മാറ്റിയിട്ടുണ്ട്. സംസ്ഥാനത്ത് ഇന്ന് പുതുതായി 5 ഹോട്ട് സ്‌പോട്ടുകളാണുള്ളത്. മലപ്പുറം ജില്ലയിലെ ആതവനാട്, കോട്ടയം ജില്ലയിലെ അയ്മനം, മാടപ്പള്ളി, ഇടയിരിക്കപ്പുഴ, കാസര്‍ഗോഡ് ജില്ലയിലെ വലിയപറമ്പ് എന്നിവയാണ് പുതിയ ഹോട്ട് സ്‌പോട്ടുകള്‍. നിലവില്‍ ആകെ 163 ഹോട്ട് സ്‌പോട്ടുകളാണ് ഉള്ളത്