അന്ന് ഉരുൾപൊട്ടൽ, ഇന്നോ? ജലപ്രവാഹം കുത്തിയൊലിച്ച് വന്ന അമ്പായത്തോട്ടെ ഇന്നത്തെ കാഴ്ചകൾ
First Published Mar 28, 2019, 2:33 PM ISTഒരു മലയൊന്നാകെ ഉള്ളിൽ വെള്ളം നിറഞ്ഞ് പുറത്തേക്ക് പൊട്ടിയൊഴുകി വന്ന കണ്ണൂരിലെ അമ്പായത്തോട്ടിൽ നിന്നുള്ള അതിഭീകരമായൊരു കാഴ്ച കഴിഞ്ഞ പ്രളയ കാലത്ത് കേരളം കണ്ടു. മരങ്ങൾ നിറഞ്ഞ ഒരു വലിയ പ്രദേശത്തെയാകെ മണ്ണും വെള്ളവും കുത്തിയൊലിച്ച് മുക്കിക്കളഞ്ഞു ആ ഉരുൾപൊട്ടൽ.
പ്രളയജലം മുക്കിക്കളഞ്ഞ അമ്പായത്തോടിനെ എട്ട് മാസങ്ങൾക്കിപ്പുറം വിണ്ട് വരണ്ട് കാണേണ്ടി വരുന്നു എന്നത് ഭയപ്പാടോടെ മാത്രമേ കേരളത്തിന് നോക്കിക്കാണാനാകൂ. അമ്പായത്തോട്ടിൽ നിന്ന് ചിത്രങ്ങൾ പകർത്തിയത് കണ്ണൂർ ബ്യൂറോയിലെ ഞങ്ങളുടെ ക്യാമറാമാൻ വിപിൻ മുരളി.