ആദ്യം എറിഞ്ഞ് വീഴ്ത്തി, പിന്നെ ഉപദേശം, ഇനിയെന്ത് ? കാണാം ഹെല്മെറ്റ് ട്രോളുകള്
First Published Dec 2, 2019, 3:13 PM ISTകേരള ഹൈക്കോടതി ബൈക്ക് യാത്രയില് പുറകിലിരിക്കുന്നയാളും ഹെല്മെറ്റ് വെക്കണമെന്ന് വിധി പ്രഖ്യാപിച്ചു. വിധി എഴുതിയ മഷി ഉണങ്ങും മുമ്പ് കോടതി വിധി നടപ്പാക്കാന് ബാധ്യസ്ഥരായ കേരളാ പൊലീസ് എറിഞ്ഞ് വീഴ്ത്തിയ ബൈക്ക് യാത്രക്കാരന് ഇപ്പോഴും ആശുപത്രിയില്. അതിനിടെ കോടതി പറഞ്ഞ ദിവസം വന്നു. ഡിസംബര് ഒന്ന്. ഒന്നാം തിയതി ഉപദേശവുമായി കേരളാ പൊലീസ് എത്തി. പുറകേ ഡിജിപിയുടെ സര്ക്കുലറും. ബൈക്ക് യാത്രക്കാന്റെ ദേഹത്ത് തൊടരുത്. ചീത്ത പറയരുത്... അങ്ങനെ അങ്ങനെ എല്ലാം നമ്മുടെ സ്വന്തം കേരളാ പൊലീസിനോട്. പുറകേ വന്നു പോലീസ് വക ഉപദേശം. പരിശോധന കൂടുതല് ദിവസം ഉണ്ടാകില്ല. അടുത്ത് തന്നെ ആക്ഷന് തുടങ്ങുമെന്ന്. പുറകേ ഹെല്മെറ്റ് ട്രോളുമായി ട്രോളന്മാരും. കാണാം ആ ഹെല്മെറ്റ് ട്രോളുകള്.