ഒരു ഇടവേളയ്ക്ക് ശേഷം മരമടി ആരവമുയര്ത്തി പാലക്കാടന് കാര്ഷിക ഗ്രാമങ്ങള്
കേരളത്തിന്റെ നെല്ലറയെന്നറിയപ്പെടുന്ന പാലക്കാട് ജില്ലയിലെ മണ്ണാര്ക്കാട് മരമടിയുടെ ആരവമുയര്ന്നു. നെല്കൃഷിയുമായി ബന്ധപ്പെട്ട കാളയോട്ട മത്സരമാണ് മരമടി. പോത്തോട്ടം, കാളപ്പൂട്ട് എന്നീ പേരുകളിലറിയപ്പെടുന്ന മരമടി മത്സരം കാര്ഷിക ജീവിതവൃത്തിയുമായി ഏറെ ബന്ധപ്പെട്ട് കിടക്കുന്നു. ഇന്ന് കേരളത്തില് കാസര്കോട് ജില്ലയുടെ അതിര്ത്തി പ്രദേശങ്ങളിലും പാലക്കാട് - മലപ്പുറം ജില്ലകളുടെ അതിര്ത്തി പ്രദേശങ്ങളിലുമാണ് മരമടി മത്സരം പ്രധാനമായും സംഘടിപ്പിക്കുന്നത്. കോഴിക്കോട്, പത്തനംതിട്ട ജില്ലകളുടെ ചില ഭാഗങ്ങളിലും മരമാടി മത്സരം നടക്കാറുണ്ട്. അതിവിദഗ്ദ്ധരായ കാളക്കാരാണ് കാളകളെ നിയന്ത്രിക്കുന്നത്. മത്സരത്തിന് പ്രധാനമായും കാളയെയും പോത്തിനെയുമാണ് ഉപയോഗിക്കുന്നത്. കർണാടകയിൽ കംബള എന്ന പേരിൽ മരമടിക്ക് സമാനമായ മത്സരം നടക്കാറുണ്ട്. ചിത്രങ്ങള് ജിമ്മി കമ്പല്ലൂര്.
പ്രധാനമായും കൊയ്ത്ത് കഴിഞ്ഞ പാടത്താണ് മരമടി മത്സരങ്ങള് നടക്കുന്നത്. ഉഴുതുമറിച്ചിട്ട വയലുകളാണ് പ്രധാനവേദി. നുകം വച്ചു കെട്ടിയ കാളകളും അവയെ നിയന്ത്രിക്കാന് മൂന്നാളുകളും ഉണ്ടാകും. ഒരു മത്സരത്തില് 50 ഓളം സംഘങ്ങള് പങ്കെടുക്കും. കൂടുതല് കാളകളുണ്ടെങ്കില് അതിരാവിലെ തന്നെ മത്സരം തുടങ്ങും. ചിലപ്പോള് പാതിരാത്രിവരെ മത്സരം നീണ്ടുപോകും. അതിനായി ഇപ്പോള് കാളപ്പൂട്ട് നടക്കുന്ന വയലുകള്ക്ക് ചുറ്റും ഫ്ലൈഡ്ലൈറ്റുകള് വരെ സ്ഥാപിക്കാറുണ്ട്.
പ്രധാനമായും കൊയ്ത്ത് കഴിഞ്ഞ പാടത്താണ് മരമടി മത്സരങ്ങള് നടക്കുന്നത്. ഉഴുതുമറിച്ചിട്ട വയലുകളാണ് പ്രധാനവേദി. നുകം വച്ചു കെട്ടിയ കാളകളും അവയെ നിയന്ത്രിക്കാന് മൂന്നാളുകളും ഉണ്ടാകും. ഒരു മത്സരത്തില് 50 ഓളം സംഘങ്ങള് പങ്കെടുക്കും. കൂടുതല് കാളകളുണ്ടെങ്കില് അതിരാവിലെ തന്നെ മത്സരം തുടങ്ങും. ചിലപ്പോള് പാതിരാത്രിവരെ മത്സരം നീണ്ടുപോകും. അതിനായി ഇപ്പോള് കാളപ്പൂട്ട് നടക്കുന്ന വയലുകള്ക്ക് ചുറ്റും ഫ്ലൈഡ്ലൈറ്റുകള് വരെ സ്ഥാപിക്കാറുണ്ട്.