'ഇനിയില്ല, ഇതുവഴി ഒരു അണുവും'; തിരുവനന്തപുരം നഗരത്തില്‍ അണുനാശിനി പ്രയോഗം
First Published Mar 31, 2020, 12:26 PM ISTകോണ്‍സൈന്‍ട്രേറ്റഡ് ക്ലോറിന്‍ ഉപയോഗിച്ചാണ് പ്രധാനമായും തലസ്ഥാന നഗരം അണുവിമുക്തമാക്കുന്നത്. പൊതുജനങ്ങള്‍ ഒത്തുകൂടിയിരുന്ന എല്ലാ സ്ഥലങ്ങളും ക്ലോറിന്‍ സംയുക്തമുപയോഗിച്ച് അണുവിമുക്തമാക്കുന്നു. എല്ലാ ദിവസവും ഏഴ് മണി മുതല്‍ രാത്രി പതിനൊന്ന് മണിവരെയാണ് അണുനാശിനി ഉപോയോഗിക്കുന്നത്. തിരുവനന്തപുരം നഗരസഭയും ആരോഗ്യവകുപ്പും ഒന്നിച്ചാണ് നഗരത്തെ അണുവിമുക്തമാക്കുന്നത്. നഗരത്തിലെ പ്രധാന സ്ഥലങ്ങളായ പുത്തരിക്കണ്ടം മൈതാനം, കിഴക്കേക്കോട്ട, പാളയം, മ്യൂസിയം, സെക്രട്രേറ്റ്, കനകക്കുന്ന് തുടങ്ങി എല്ലാ സ്ഥലവും അണുനാശിനി ഉപയോഗിച്ച് വൃത്തിയാക്കുന്നു. തിരുവനന്തപുരം നഗരസഭയുടെയും ആരോഗ്യവകുപ്പിന്‍റെയും നേതൃത്വത്തില്‍ തിരുവനന്തപുരം കനകക്കുന്ന്, അണുനാശിനി ഉപയോഗിച്ച് വൃത്തിയാക്കുന്ന ചിത്രങ്ങള്‍ പകര്‍ത്തിയത് ഏഷ്യാനെറ്റ് ന്യൂസ് ക്യാമറാമാന്‍ രാഗേഷ് തിരുമല.